السلام عليكم ورحمة الله وبركاته اولا ....
ثانيا: لما كنت بالمعرض ومريت بين الاقسام جاني واحد من القسم السعودي واصر اني اخذ منه شي فاستحيت ارده وخصوصا اني كنت اقول لا والله مشكور اخر شي عطاني مجلة وقالي مجانية وبصراحة يوم رديت البيت وقريتها والله اعجبتني وااااايد وفيها عدة اقسام يعني مجلة بحجم صغير اسمها عائلتي والثانية اكبر شوي اسمها الاسلام اليوم والثالث مجموعة العاب للاطفال .... قريتها وكان اسلوبها جدا جدا رااااااااقي .... واللي بحطه الحين قسم من مجلة عائلتي و ان شاء الله يعجبكم ....
________
أجنادين /
فيه بعد موقف يضحك هذا الله يسلمك توني صغيرة اما اني مادخلت المدرسة توني او اني ببداية اولى ابتدائي الشيخ المسند - الله يرحمه - كنت اموت عليه وجدتي دايم هي وامي وابوي يتابعون برنامجه ومرة كنت قدام التلفزيون مافيه الا انا والا بالعادة اطفش اهلي بالاسئله , المهم هو يقول : "اكثروا ذكر الموت " ..... يعني قال الحديث "اكثروا ذكر هادم اللذات" بالمعنى وانا فهمت شي ثاني.
ومن قال هالكلمة وانا اكرر "الموت , الموت , الموت .. " .... احسب كلمة الموت بس قولتي لها تجيب حسنات , خخخخخ شكلي ظاهرية ,, افهم ظاهر النص بس .
الرزينـة /
مرة كنت قاعدة انشد في بيتنا وانا مررة منسجمة فجاة اسمع احد يطق بالشوكة والصوت جاي من الدور اللي تحت فجاة استوعب ان اختي وزوجها قاعدين يتغدوا تحت !!! انا طااااح وجهي !
هاجـــر /
بقول قصة اخواني لابسين باكستاني يوم كنا بالبر يركضون بالنفود ويتطارحون ويتلاحقون مادرينا الا مجموعة اولاد جو لاخواني كلموهم بعدين راحوا .. وجو عندنا اخواني وكل واحد يجر رجليه من جهة , سالناهم وش فيهم وش عندهم ؟ قالوا ان العيال سالوهم (عندكم دبابات) تأجرون يحسبونهم بنقالية ( انت في أجر دباب صغير ) << بالنقالي اقروها .
جهــوده /
أذكر قبل ليلة العيد كنا متجمعين عند خوالي وكان البزارين واجد << قولوا ماشاء الله وطبعا انا من شلة الاولاد قلت لهم غمضوا وقمت طفيت عليهم النووور , وقلت دوروني وقاموا يصرخون وفتحت الشباك وطلعت منه وكان الشباك (الأثري) قريب .. طررررقع (خبطت) في حافة الشباك ورحت أركض لخالتي ودمي يصب من راسي وأمي أخذتني للمستشفى وخيطوا راسي ولفوه بالشاش ويوم رجعت قاموا البزارين يضحكون علي ويقولون لي بدل ما تلبسين طوق للعيد لبستِ شاش العيد وفكيتينا من لسانِك .
أم عبد الملـك :
مرة بأول زواجي .. ناااايمة وجاء زوجي يصحيني من النوم - يبغي الفطور طبعا - وأنا متأخرة شوي في النوم وجلسني بشكل عاااااادي جدا .. لكن من الخرعة ما أدري إيش السالفة .. فجأة طررررراخ .. لقيت نفسي طاااايحة بالأرض , وأكثر شيء غاظني أن حضرته يضحك بدل ما ينقذني ( قمة في الإحراج ) كان موقف لا أحسد عليه .
أريــج :
عروسة في عمر 13 سنة (من أيام زمان) في يوم خطبتها طبعا لم تكن تتغطى بعد .. جت ودخلت الصالة وسلمت على أبوها وقبلته على راسه هو والعريس .. فكان موقف لا ينسى .
ليـــلى :
في يوم سمعنا أصوات وإزعاج , شكينا بوجود حرامية في البيت .. جلسنا على أعصابنا , بعد قليل يدق الجرس طارت عقولنا وتأكدنا أن المسألة فيها حرامي !! وكنت أنا الفارس المغوار , ورحت عند الباب وجلست أهزيء وأشرشح بالـــ (حرامي) .. بعد قليل قاطعني معرفا بنفسه لأكتشف أنه (خطيبي) وكان غااارق بالضحك ....
______
والله احس خذيت درس مجاني للطباعه يوم اني نقلت من المجلة .... اتمنى يلاقي استحسانكم ودمتــم سالميــن ....