السلام عليكم
لو سمحتوا مين يقدر او تقدر يوفر لي هديه للعيد حق ريلي
شغلات تكون كشخه
وبأسعار معقوله ماتزيد عن 2000 ريال
السلام عليكم
لو سمحتوا مين يقدر او تقدر يوفر لي هديه للعيد حق ريلي
شغلات تكون كشخه
وبأسعار معقوله ماتزيد عن 2000 ريال
ايش المطلوب اختي ممكن تحددين
للعلم انا واحد وليس وحده
اخوكـــــــــــــــــــــم
تاجــــــــر قطــــــــري
الله يوفقج
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
" لَيْسَ الشَّدِيدُ بِالصُّرْعَةِ ، إِنَّمَا الشَّدِيدُ الَّذِي يَمْلِكُ نَفْسَهُ عِنْدَ الْغَضَبِ "
لازم تعرفين وش يحب
تكون هديتة والالوان وذوقة بشكل عام
او وش ناقصة ومن مدة وهو ناوي يشترية
الهدية مب بثمنها ..
في راي
سلة فيها قصيدة مكتوبة على لوح مزخرف,ساعة ,دبدوب ,عطر
وتكون كل هذة الاشياء بلون واحد محبب اليه.
واتمنى لك السعادة
يحــسبون الصــــــمت مثل اول !!
علامة للرضـــا
يعــــلم اللـــــه ما سكـــت لهـ الزمــــان الا قهر
هلا اختي اقدر اوفرلج صندوق فخم مشدود بالمخمل والحرير والكريستال شوارفسكي
وورود لمعه
ويحتوي على 5 عطورات فخمة مخلطة بدهن العود المعتق700ريال
و7 تولات عود خشب كمبودي درجة اولى 1050 ريال
وتولة دهن عود هندي در جه اولى1000 ريال
وتولة مسك الغزال ابيض فخم250 ريال
وتولة مخلط سيوفي مميز250
هاذي اسعارهم بس باحسبهم لج عشان نكسبج زبونة
كلهم مغلفين بشكل راقي بالون الي تحبينة
2000 ريال بس
لوحابة راسليني ع الخاص
سبحان الله
انا بقول لج ..
روحي مجمع رويال بلازا مري اول شي على محل الجزيره للعطور وخذي عطر بلاك وود وعقب روحي محل باريس غاليري في نفس المجمع وخذي له عطر رجالي جديد + بوك رجالي ماركه + زرار ماركه + وخليهم يحطونها لج في علبه جلد خاصه للهدايا ( عندهم علب فخمه للهدايا بس لازم تطلبينها منهم ) ويحطون لج فيها المجموعه ويغلفونها وتطلع من اروع مايمكن .. ان شاءالله عجبتج فكرتي والله يهنيج مع ريلج وعساكم من عواده ..
ضَحِكْتُ فقالوا ألا تحتشم **** بَكَيْتُ فقالوا ألا تبتســـــم !!
بسمتُ فقالوا يُرائي بهــا **** عبستُ فقالوا بدا ما كتــم !!
صمتُّ فقالوا كليل اللسان **** نطقتُ فقالوا كثير الكَــــلِم !!
حَلِمتُ فقالوا صنيع الجبان *** ولو كان مقتدراً لانتقــــم !!
يقولون شـذ ّ إذا قلــتُ لا ***** وإمَّعةً حين وافقتهــــــم !!
فأيقنت أني مهمـــــا أردت *** رضا الناس لابد من أن أذم !!
حطي صفرين جنب الثلاث أصفار وإشتريله موتر....خخخخخخخخخخخخ
اضحك معاج إختي.....
تبين الشور العدل.....
سبحه (كهرم)ولا غيرها.....رزه وبتم في يده على طول....وصدقيني لو عنده عشر غيرها...بعد بيطير فيها طيييييييييييييييير...إسإلينا إحنا....
التعديل الأخير تم بواسطة bo3abed ; 17-09-2008 الساعة 01:40 AM
روحي كارتير اللي في السد
اي شي من هناك حلو وكشخه
قلم او ازرار او نظاره
هاي هي هدايا الرجاجيل