النسخة الجديدة من برنامج سوق الدوحة (2.5)

[Analyzer]

يريت بس من اي واحد يستخدم البرنامج او يقرى الموضوع.. بس الدعاء مابي اكثر من جذي اني اتوفق في امتحاناتي واتخرج
والله يعطي الف عافيه كل من رد على الموضوع سواء بشكر او بدعاء

اخوكم بودعي

الله يوفقك ويسهل عليك وترد ان شاالله من الفايزين

[RayeG]

برنامج مميز و انجاز كبير الصراحه ... انا نزلت البرنامج على جهازي ال جام و شغال 100% ... يعطيك الف عافيه و الله يوفقك في دراستك و صدقني البرنامج هذا يصلح يكون مشروع التخرج

بالنسبه للسيمبيان ... ترى فكره مش بطاله ... و خاصه لأجهزة النوكيا الحديثه (N class ) ... بالطريقه هذي برنامجك راح ينتشر بدرجة كبيره ...

عموما بيض الله وجهك على هالشغل الطيب ...

[bodaay]

الله يعافيك اخوي رايق
ومشروع التخرج للأسف مب انا الي اختاره.. لازم واحد من الدكاترة "الطيبين" في الجامعة يختاره
المهم .. ليش فوق ال 200 زيارة وبس 22 رد .. واكثرهم انا
المشكلة مع تلفونات النوكيا..حجم الشاشة..
المهم اذا بسوي نسخة حق النوكيا مب صعبة..وال n-series على حسب ماقريت symbian series 60
ولو اني ماعرف ولا واحد لحد الحين يستخدم نوكيا من ربعي.. بس ممكن انزل نسخة بسيطة جدا.. حق الي حاب يجرب حق النوكيا.. وطبعا بسبة حجم الشاشة الي جدا صغير.. بيكون العرض حق شركة وحدة مب 3 شركات.. الا اذا بسوي حق الكمنيوكيتر.. حجم الشاشة عجيب .. اذا في حد مستعد يجرب النسخة الي بسويها ماعندي مشكلة .. بس يقولي شنوع تلفونه الي بيجرب عليه.. وانشالله الباقي علي ..المشكلة اني اكره النوكيا



بودعي

[RayeG]

والله يا عزيزي اذا ما راح تاخذ منك وقت .. ليش لا ..

اعتقد نوع الجهاز مش مهم .. اهم شي ان ال OS يكون symbian series 60 .. (مثال Nokia N70 )

مع ان البورصة الايام هذي تسد النفس

[ahmed7200]

مشكور يا اخي

[وليد888]

مشكور اخوي

[al_rahy2003]

السلام عليكم
بس حبيت انزل لكم النسخة الجديدة من البرنامج قبل امتحاناتي.. لأني يمكن ماقدر انزلها اي وقت ثاني
وعلى سالفة الحقوق والبوق.. الي سويته اني غيرت شوي في هالنسخة.. اذا اكتشفت انه البرنامج انباق ولا اي شي.. اقدر حتى من تلفوني اخلي كل الي نزلوا البرنامج يوقف عندهم ولازم ينزلون نسخة جديدة
المهم البرنامج هاي مابيوقف انشالله لو 30 شركة جديدة نزلت مب بس بروة.. البرنامج مفتوح وقابل للتوسع بنفسه
ضفت حساب اللمت اب واللمت داون في البرنامج (رود رنر قالي هاي اهم شي )
الحين بتكون تكلفة الآبديت 3.5 كيلوا بايت.. في زيادة شوي ادري.. لأنه البرنامج اول شي يشبك على موقعي.. عشان تفعيل النسخة او ايقافها(في حالة البوق) هالشي بس يكون اول مرة تضغط على زر التحديث.. يعني اول مرة بيتأخر فيها.. الباقي بسرعة
اتمنى تعجبكم هالنسخة الجديدة.
اي شغلة ثانية جديدة في هالنسخة.. البرنامج المفروض مايعلق(انشالله) لو تخلونه شغال طول الوقت. ولو ماقدر يشبك بالنت بس بيعطي رسالة بدل مايشير نفس النسخة القديمة
شغلة بسيطة بعد تغيرت.. بدل متوسط السعر في الواجهة.. حطيت الحجم بناءا على رغبة المستخدمين..
واتمنى القى ملاحظاتكم واقتراحاتكم.. الي يمكن اسويها اذا الله عطانا عمر بعد شهر
تحميل البرنامج فقط يكون من هالموقع:
www.qatarsoul.net/QSdsm.html

واتمنى من المشرفين يلغون تثبيت موضوعي الي قبل(تبع النسخة القديمة) ويثبتون هالموضوع

ويعطيكم العافية
اخوكم بودعي

مشكووووووووووووووووووووووووووووووووووور ويعطيك العافية

[بوفيصل]

مشكور اخوي بودعي على البرنامج الحلو
والصراحة انت خففت علينا فواتير كيوتل
والله يعطيك العافية

[bodaay]

اوه لاتييب طاري كيوتل عادي يسوون بلوك حق موقعي وكل شي
دام اني سمعت انهم سكروا المايك والكام من المسنجر.. ماستبعد يسوون هاذي بعد

[bodaay]

دام انه عندي اجازة طويلة
بس حبيت اقولكم عن بعض الاضافات في النسخة الجاية..ادري تعبتكم كل يومين نسخة
المفكرة الخاصة: تقدر تسجل ملاحظاتك فيها ..
المحفظة الخاصة: هالمحفظة تقدر تدخل فيها عدد الاسهم الي تملكها في اي شركة..مرة وحدة او تعدل البيانات في اي وقت .. والبرنامج بعدين بيحسب لك الربح او الخسارة على حسب سعر السهم الحالي
وفي تعديلات بسيطة اخرى..

بودعي