استفسارات بخصوص زيارتي القادمة لـ قطر

[WFM]

السلام عليكم ورحمة الله وبركاته ومساكم الله بالخير يااهل قطر

بأذن الله سأزور دولة قطر بعد يومين وبمشي ان شاء الله يالخميس يالجمعة >> وده يلحق على معرض الكتاب

طبعا زيارتي تعتبر الثانية بعد ان زرت دولة قطر لمدة يومين في شهر مايوالماضي

شنو افضل الأماكن اللي تنصحوني ازورها في الدوحة وهل الحي الثقافي مسموح الدخول فيه ؟

ووين مكانه .. انا سبق ان زرت اللؤلؤة هل هو قريب من اللؤلؤة ؟؟

ايضا معرض الكتاب وين مكانه وحبذا ان كان فيه احداثيات لموقعه

بخصوص الخلق الشتوية هل نزلت الآن وشنو احسن محل يبيعها ؟

جامعة قطر اين تقع وهل لها احداثيات ؟

وهل المطاعم في المجمعات وشارع السد والنصر ( بس ) ولا فيه شوارع اخرى تتواجد بها العديد من المطاعم ؟

ايضا بخصوص الأزره ( الكبك ) شنو احسن المحلات اللي تبيعها بسعر متوسط ومناسب.

بخصوص الطريق الجديد اللي يودي الخبر( طريق الدمام السريع )

هل افتتح رسمي ؟؟ انا ودي ارجع معاه ممكن وصف له لو سمحتم


هذه اللي يحضرني حاليا والله يعينكم علي يااهل قطر

[@north_star@]

يا مرحبا بك اخوي وبجاوبك على بعض الاسالة
بالنسبه للحي الثقافي فاتح ابوابه للجميع وهو على طريق اللؤلؤة وفيه مطاعم بعد
وجامعة قطر مقابله تقريبا ومب بعيده عنه ومعرض الكتاب موجود قبل الحي الثقافي يعني كلهم بمكان واحد تقريبا وبالنسبه للمطاعم في عندك مجموعة مطاعم عند اشارات رمادا من امتداد شارع سلوى باتجاه الدوحه وفي كم مطعم بنفس الشارع
ومن الاماكن اللي تقدر تزورها عندك سوق واقف وعندك منتجع سيلين واسمحلي على القصور

[R 7 A L]

مرحباً بك في بلدك

بالنسبة للمستلزمات الرجالية عندك سوق ال علي في مدينة خليفة بالقرب من جسر الجوازات .


بالنسبة للاحداثيات نادر تحصل احداثيات عند احد يمكن تحصلها عند محلات الجوالات الى في السد



بالنسبة للطريق الجديد انا لي مدة في امريكا ومارحت مع هذا الطريق بس سمعت انهم افتتحوة وانت راجع للهفوف بتحصل اللافتات .


وحياك الله

[كازانوفا]

حيالك الله الشباب ما قصرو معاك

[شمعة الدوحه]

حياك الله

ولاتنسى زيارة سوق واقف فيه مطاعم وانت طب واختار

مكان يشرح النفس خاصه عالساعه 8 الصبح اذا تبي تتريق هناك لانه جلسات خارجيه

[$$كلنا قطر$$]

يا مرحبا فيك واذا ما شالتك الأرض تشيلك روسنا
الله يسلمك الخط الجديد افتحوه بس على قولتهم مب رسمي
بس للأسف من الدمام ما اعرف من اي جسر تدخله
بس وانت طالع من الدوحه اول ما تدخل حدود السعوديه تكمل خطك (طوالي)
قبل اول دوار بيجيك الجسر تاخذه يمين وتوكل على الله

وبخصوص المطاعم الشباب ما قصرو عندك المطاعم الي في سوق واقف وعندك المطاعم الي في الستي سنتر
وللعلم كل المناطق الي ذكرتها قريبه من بعض


واذا محتاج اي مساعده من ناحية الطريق بطرشلك رقمي عالخاص وابشر بعزك وان شاء الله اني ما اقصر معاك

[صلاتي]

السلام عليكم ورحمة الله وبركاته ومساكم الله بالخير يااهل قطر

بأذن الله سأزور دولة قطر بعد يومين وبمشي ان شاء الله يالخميس يالجمعة >> وده يلحق على معرض الكتاب

طبعا زيارتي تعتبر الثانية بعد ان زرت دولة قطر لمدة يومين في شهر مايوالماضي

شنو افضل الأماكن اللي تنصحوني ازورها في الدوحة وهل الحي الثقافي مسموح الدخول فيه ؟

ووين مكانه .. انا سبق ان زرت اللؤلؤة هل هو قريب من اللؤلؤة ؟؟

ايضا معرض الكتاب وين مكانه وحبذا ان كان فيه احداثيات لموقعه

بخصوص الخلق الشتوية هل نزلت الآن وشنو احسن محل يبيعها ؟

عندك المحلات في الستي سنتر من قريب

جامعة قطر اين تقع وهل لها احداثيات ؟

وهل المطاعم في المجمعات وشارع السد والنصر ( بس ) ولا فيه شوارع اخرى تتواجد بها العديد من المطاعم ؟

بعد في الستي سنتر

ايضا بخصوص الأزره ( الكبك ) شنو احسن المحلات اللي تبيعها بسعر متوسط ومناسب.

بعد في الستي سنتر

بخصوص الطريق الجديد اللي يودي الخبر( طريق الدمام السريع )

هل افتتح رسمي ؟؟ انا ودي ارجع معاه ممكن وصف له لو سمحتم

بعد ما تدخل السعودية وقبل الاحساء ب 35 كيلو تقريبآ

لفة مسكرة على اليمين قبل الجسر لف معاها
ولا تلف يمين او يسار على طول
حتى تشوف مصنع الاسمنت تلف معاة
تنزل على طوال طريق الخبر الدمام
ومع الف سلامة


هذه اللي يحضرني حاليا والله يعينكم علي يااهل قطر

وأي خدمة ثانية أخوك في خدمتك

[صلاتي]

اذا انت جاي من الخبر وقبل ما تدخل الاحساء

وبعد ما تعدي مصنع الاسمنت بتشوف أمامك جسر

ترجع كأنك راجع الخبر وتأخذ يمين على طول

بنزلك على طول بعد الاحساء مباشرة

الطريق بيوفر عليك ساعة كاملة

[مخطط قطري]

اخوي عليك بانادي الدبلوماسي يوجود في مطعمين وجلسات حلوه الصياد والاطيالي جنب اللؤلؤة

[WFM]

الله يعطيكم العافية جميعا ماقصرتم الصراحه
وبأذن الله ماشي يوم الجمعة : )