انا عن نفسي غير اكل البيت مااااااااااااااااااااااافيه والمطاعم اروح في الشهر 4 مرات تقريبا ومو ويك اند
والمطاعم المفضله
عليشان المنتزه هندي خيااااااااااال واكله خفيف ومافيه زيت وااااايد
تشاو ايطالي في طريق سلوى
بوفيه الريتز
بوفيه لاسيجال
ومطعم هندي في ابراج ازدان على الكورنيش قعدته وايد وايد وايد حلوووووه
وليالي طريق سلوى لبناني حلو
وزيت وزعتر سوق واقف
ومعاصر مااحب كلششششششششششششششش
استغفر الله
والحمد الله
والله اكبر
ولا حول ولا قوة الا بالله
بارك الله فيكم
موضوع ممتاز ...
((اللهم اني أستودعك قلبي فلا تجعل فيه أحداغيرك وأستودعك لا اله الا الله فلقني اياها عند الموت وأستودعك نفسي فلا تجعلني أخطو خطوه الا في مرضاتك وأستودعك كل شيء رزقتني وأعطيتني فأحفظه لي من شر خلقك أجمعين وأغفرلي ولوالدي يا من لا تضيع عنده الودائع))
انا من طبيعتي ماحب السي فوودالمشاركة الأصلية كتبت بواسطة Qtr.Girl
بغيت اسالكم شنو احسن مطعم للسي فوود
خاصه للربيان والخثاق بس يسوونه عدل لان بصراحه ماحس المطاعم يسوون الربيان عدل
ياريت تفيدوونا من خبرتكم
بس الكل يمدح في مطعم المحارة اللي في سوق واقف
جربية وقولي لنا اشلون
-- الجاااااافي --
حدائق أصفهان
Tel: 4360362
الموقع: سوق واقف
وهو من المطاعم الجديدة والمميزة في الدوحة
ومثل ماهو واضح من اسمه .. فالمطعم ايراني
واسعاره غالية شوي
واللي يميز المطعم ديكوراته المبالغ فيها
وهو يتكون من طابقين
الطابق الارضي فيه جلسات ارضية وطاولات
والطابق العلوي للعائلات ..
متوسط تكلفة الشخص الواحد ماابين 125 الى 150 ريال
-- الجاااااافي --
مطعم إخوان الأفغاني
الموقع: الغرافة - شارع الغرافة (شارع الإتحاد سابقاً)
ت: 4888556
طبعاً اللي يسوي ريجيم لا يفكر يروح للمطعم
هذا المطعم متخصص في المندي .. عنده وجبات ثانية .. بس ماجربتها
سعر مندي اللحم للشخص 35 ريال .. والدجاج أعتقد 16 ريال
هالمطعم يميزه الديكور .. هو اصلا كان كوفي شوب اسمه البدع .. بس مانجح .. لأن موقعه غلط
فالمطعم هذا استفاد من الديكور اللي كان مسويه الكوفي شوب...
-- الجاااااافي --
مطاعم وحلويات القدس
الموقع: شارع النجمة - بالقرب من سينما الخليج
هذا المطعم يسوي افضل كنافة في الدوحة
طبعاً هالمطعم اصلا متخصص في الكنافة والحلويات .. ماجربت عنده اي شي ثاني
ومافيه اي طاولات او جلسات
بس طلبات خارجية
-- الجاااااافي --
الصراحه مطاعم الدوحه لك عليها
والصراحه في مطاعم في الخبر والدمام و الكويت مب موجوده في قطر !!
اتضيع من كثر المطاعم والاكلات العجيبه هناك
العام خلّي يسمع القلب لاصاح ..
.. واليوم مهما صاح ماهوب مسموع
مطعم مشوار الخليج
Tel: 4876685
الموقع: يقع هذا المطعم في شارع الوفاء - مدينة خليفة الجنوبية
هذا مطعم ومطابخ شعبية
عنده ألذ مجبوس (كبسة) وبرياني مطبوخ على الطريقة القطرية
وعندهم بعد أكلات شعبية ثانية مثل الهريس والمضروبة والمرقوقة
وعندهم طبخات سمك .. بس انا مو وايد احب السمج فماجربت
كل يوم الظهر تصير عنده زحمة غير طبيعية .. لدرجة ان بعض الناس يجيبون جدورهم ويخلون المطعم يحطلهم
(اغلب اللي يسوون حركة الجدور هذي هم الحريم .. لدرجة اني توقعت انهم يقصون على ازواجهم ويقولون ترى احنا اللي طبخنا
عيب المطعم انه داخل فريج قديم .. وماعنده جلسات داخلية
بس صراحة أكله حلوو
-- الجاااااافي --
مطعم يلو كاب بيتزا
فرع المرخية: 4888310
فرع سوق العلي: 4888916
هذا المطعم من المطاعم الفلته في عالم البيتزا بالدوحة
في له فرعين .. واحد في شارع المرخية عند دوار التلفزيون
والثاني في سوق العلي جنب كنتاكي
وعندهم خدمة التوصيل للمنازل
في عندهم مكرونة يمدحونها .. بس ماجربتها
-- الجاااااافي --
مطعم جرس المذاق (مطعم شعبي شوي)
Tel: 4838575
هالمطعم في الدفنة .. في محطة بترول الخليج الغربي
هذا مطعم هندي .. بس اكله عجيييييييييب .. بس هو مستواه وايد عادي .. كأنه معصرة او كافتيريا
وعندهم خدمة توصيل الطلبات للمنازل
وفيه العااااااافية
-- الجاااااافي --
ضوابط المشاركة
رد مع اقتباس
