المشاركة الأصلية كتبت بواسطة بوشهاب
وهذي عادة فئه كبيره من اهل قطر
ينتقدون وييستنكرون الشي اول ما يطلع
عقب فتره عااااااااااااااااااااااااااااااااااااااااااااااااا اااااااااااادي الكل يسويه
حتى اشد الناس انتقادا له
انا استغرب من بعض المشاركات الغريبه ومن الاعضاء اللي ينجرون مع عنوان الموضوع أو مع اول تعليق
واللي قال بدعه ,,, لا تقول بدعه وتشرد
فسر لي مفهوم البدعه ومتى يوصف الفعل على انه بدعه !!!!!!!!
ولا اي شي غريب وماعجبك بتقول عنه بدعه
اتمنى من اللي يتكلم انه يكون عقلاني شوي ويحط النقاط على الحروف
ولين الحين انا مب مأيد ولا معارض ولحد يقول انت ترضاها غيرك ما يرضاها ويخربط علي
انا ابي كلام مقنع وبس
وصراحه قريت الردود كلها ولا رد اقنعني
اوكي
الحين خل ندخل في موضوع التشبه بالرجال
يعني مثلا لو وحده لابسه الشال على راسها وحاطه عقال او مسويه حمدانيه
بقول اي نعم هذي متشبهه بالرجال
حاطه مخبا وقلم في عبايتها ,,, وكلر يابس وزرار وأبه
بنقول هاي مسترجله ومب صاحيه تبي تلفت الانتباه
في امور كثيره وضوح الشمس ان فيها تشبه بالرجال من قصة الشعر وطريقة الكلام والميول
صراحه انا شفت الشالات ... واللي لاحظته انها على شكل شماغ بس الوان نسائيه
وينحط فوق العبايه عن البرد حاله حال باقي الشالات
يعني مب معقوله تكون هذي الالوان للرجال ... واذا ماكانت للرجال بتكون لمن
يعني عشان نقشة الشماغ عليه صارت السالفه والكل قام يبدي رايه
في الاخير الموضوع كله يدور حول النقشه بس ,,, باختصار الموضوع لا يستحق
اوكي انا احترم اراء الناس ,,, بس اتمنى بالمقابل يكون في احترام للعقول وتوضيح لا غير
في الاخير اللي تبي تلبسه ومقتنعه ان مافي شي يخل بالدين والادب والمظهر العام خل تلبسه
واللي ماتبي تلبسه لانها حاسه ان الموضوع فيه شك ,, لا تلبسه ونحترم وجهة نظرها
والسموحه لاني شديت في الكلام
رد مع اقتباس
....