مسيتم بالخير اخواني وأخواتي في الله

حبيت اعلمكم طريقة عمل الشاي الكرك وأوضحها لكم بالصور

واتمنى انكم تستفيدون من طريقتي هذي

الموضوع بينقسم لأكثر من جزء
طريقة عمل الشاي زائد فرفشة

وفرفشني يا قدع

راح انزل لكم الصور وكل صورة التعليق عليها بيكون تحتها

ادري اني ثقلت عليكم بس استحملوني شوي


هذا الشاي سويته امس في العنه وكان موعد وصولنا قبل اذان المغرب بـ ربع ساعة




(صورة قديمة)

حياكم في عنه بوحروب الدبدوب هههههههههههههه

(زورونا في الخيمتنا )

سيارات نقل المساجين اوهـ قصدي الشباب




اكيد الأسود احلى صح



صور للعنه من الخارج

هذي الصور تعتبر تحضير لصور طريقة عمل الشاي




صلينا المغرب وكنت انه الأمام

وبعد صلاة المغرب توجهت دعس للمطبخ <<<< عبالهم اني صبي عندهم ربعي




اشرايكم في مطبخنا ؟



صورة المطبخ من داخل

ادري انه عادي بس اهم شي مكان نطبخ في الكرك

اما العشا كله كلاب مع شبس من المعصرة هههههههههههههه

الحين نبدا موضوع الكرك







صورة العده مالت الكرك

يفضل الكرك(بدورة الشاي) تكون نوع الليبتون الأصفر



الحين بتلكم عن كمية الماي

وهو مقدار لتر واحد بس

يعني قرشه ماي كبيرة فهمتوا ولا اصور لكم بعد



بعد مانصب الماي في الغوري

انحط ثلاث استكانات سكر (شكر)




وثلاث قفاش بودرة الكرك









يمامي شكله حلو



انخليه يطبخ ونسكر عليه الغطى



في هذي الفتره انحظر الحليب والدله (فترى الغليان)




ياعييييني على حليب الحكومة ههههههههههههه




لحد يركز على الشعر اللي في يدي لأني نسيت احف بالحلاوة

نفتح القواطي بالسجين



والحين الحليب جاهز للصب

لحظة بروح افتح الغطا وبشوف وش صارله الكرك





يااااااااي يهببببببل




لحظة ترقب وترصد للكرك




شوفوا الكرك صار يطلع فقاقيع




عاد انا استغليت الفرصه وقعدت اتدفا ورفيجي الشرير يصور هع


نقطة نظام !!!!!!!!!

بعد ما يغلي الكرك نقصر شوي على النار ونخليه يطبخ لمده 4 او 5 دقايق بس





الحين نبدا انصب الشاي في الدله

لانصبه كله

انصب شوي وعقب الحليب فالنص عشان يختلطون عدل






.................................................. .................................................. .....

سمو يا أعضاء وزوار منتدى شبكة الأسهم المحترمين






حلو الكرك مع اللعب بس مب حلو لو ينكت على الطاولة













كان معكم الشيف بوحروب خبير الشاي الكرك في دول مجلس التعاون وافريقيا والأتحاد السوفييتي


هذا الموضوع اهداء خاص لــ أبوعلي وابوالجازي وبويوسف.

وأهداء حق السحالي اللي ما يعرفون يسوون الشاي

واقولهم شوفوا اشلون التماسيح احسن منكم في الطبخ



للطالبات والأستفسار يرجى المراسلة وكل شي بحسابة ههههههههههه