هاذي قصيده لشاعر من شعراء قطر وهي قصيده في( الحكمه)
لشاعر سعيد بن سالم بن محمد البديد المناعي (رحمه الله )
إحذر من الدنيا تغرك وتغراك.....ولا تحسب أنها على الكيف تعطيك
كم كرفت بشراع مثلك وشرواك.....وأصبح بلجات العسر والتهاليك
ولا تغرك يافتى كثر الملاك ..... وشعاد لو تربح بكثرة مشاريك
إلا إن الجود بما حوت فيه يمناك.....لى جاك ملهوف يسالك ويرجيك
قدم لنفسك قبل دورات الأفالك.....من قبل لا ياتيك من لا يخليك
للآخرة قدم وعمَر لدنياك.....واقنع بموجودك عن الناس يغنيك
أثر المنية وين ماسرت وياك.....في وين ماتنوي تراها تباريك
حافظ على التقوى ترى الدين يحماك.....واصبر على أمر من الله ياتيك
إياك لا تشتكي إلى الناس بلواك.....إشتك لربٍ من عديم مسويك
أحذرك من ربع خبيثين الأسلاك.....ترى ربعة الحمقين ياصاح تدنيك
إيعرضك طرقٍ على غير مهواك.....إن صار حزات اللوازم يخليك
رفيقك اللي في المواجيب يعزاك.....ولي عزيته في المواجيب يشفيك
رفيقك اللي كلما سمع طارياك.....يشفق على شوفك ويفرح بطاريك
إحرص على جار يعزك ويدراك.....عزه وخل الجار حسبة أهاليك
ولا تشوش بين هذا وهذاك.....وتحط مابين الرفاقة شرابيك
وإياك لاتهزا الأجاويد إياك.....ولا تحط الحُر في حسبة الديك
ارعى الصديق اللي يودك ويهواك.....إفده بماجودك وملكة أياديك
إحذر عدوك لا تخليه وياك.....ولا تفضي له خفايا مساويك
ينقلك عند اللي يهذرك ويشناك.....بين الملا يبيعك ويشريك
إياك لا تحمل على كل من جاك.....جاب العذر لك يعتذر مخطي فيك
خل السموحة بين الأجواد منواك.....إسمح ولا تكثر عليهم دعاويك
حقك من الدنيا جميلك وحسناك.....وعلم تذكر به نبالك وينبيك
أوصيك إلى جيت المجالس وحياك.....ربع وكل منهم بشوش يحيك
لا تصير ملقوف إلى الهرج يعداك.....اصمت وخل الصمت أحسن معانيك
إلا أن سئلت عما جرى لك وماجاك.....عطهم علوم لك على غير تشكيك
جود بوفا للي تعب لك ورباك.....الأم الحنون اللي سهرت في ترابيك
إطلب لها من واحد الأحد حي أنشاك.....بجنة خضرا جزاما تعبت في فيك
بجاه النبي اللي على الحق أهداك.....بيوم الحشر من لاهب النار ينجيك
اعجبتني هذه الابيات بما فيها من حكمه وموعظه
وحبيت انقلها لكم