السلام عليكم ...
هالموضوع راح اتكلم فيه عن سفرتي الاخيرة لاسبانيا
وان شاء الله يعجبكم ...
الوصول لبرشلونة كان عن طريق فينيسيا ( البندقية ) بايطاليا
واللي زرتها قبل برشلونة
وراح اكتب موضوع عنها ان شاء الله
وكانت الرحلة على الخطوط الايطالية
والطيارة كانت تمشي الحال مع اني كنت على الدرجة الاولى
لكنها بمستوى عادي واستغرقت الرحلة ساعتين ونص من فينيسيا لبرشلونة
وبمجرد وصولنا لمطار برشلونة بعد ما انهينا اجراءات السفر بسلام
وكانت الامور في غاية السهولة ولله الحمد
بعدها خذنا تاكسي للوصول لفندق
ريفولي رامبلاس في برشلونة
والفندق ممتاز خاصة من ناحية الموقع
شارع الرامبلا
هالشارع يعتبر الشارع السياحي الاول في برشلونة
وفيه كذا فندق ومجموعة قهاوي ومطاعم ومحلات وسينما
والشارع الحركة فيه على طول اليوم
يعني متى ماطلع ماراح تملل
كفاية تجلس في حدى القهاوي
وتشربلك ( بويلو مينتا ) <<< هذا شاي عندهم بالنعناع بس ادمنت عليه![]()
وجلسنا في برشلونة تقريبا 5 ايام وهي كافية لزيارة معالم هالمدينة الرائعة
وهذي مجموعة صور لشارع الرامبلا
واللي كان سكنا على نفس الشارع
في هالفندق وميزة هالفندق انه وسط شارع الرامبلا
يعني من تنزل كل شيء قريب منك
قلة العقل مصيبة![]()
صور من بلكونة الغرفة في الفندق ...
فندق غراند مارين نهاية الرامبلا
فندق المريديان على شارع الرامبلا
كورتي انقليس اشهر اسواق برشلونة واروعها
(سفيرا ) احدى اسواق شارع الرامبلا
هذي صورة لاحدى المطاعم في شارع الرامبلا
وصراحه اكله عجيب واكثره عربي![]()
هذي صورة لمكتب سياحي حجزت منه فندق سان سبستيان والتذكرة
وهو يقع بالقرب من فندق ريفولي رامبلاس
وهالصورة كالعادة لمظاهرات بس مادري ليش
اللي يعرف اسباني يترجم![]()