ببني بيتي بنفسي ساعدوني؟

[أنا]

السلام عليكم ورحمة الله وبركاته

ابي اعدل بيتي بغير الله يعزكم الحمامات والارضية والصبغ والدرايش وكل شي وببني غرف زياده جبت شركتين وحده قالتلي 400 الف والثانيه قالت لي 350 الف وكل شي عليهم ..

انا بصراحه حدي 200 الف وما اعرف شي فكرت انا بنفسي اشتري كل شي بروحي يعني اختار الارضية والابواب والدرايش والحمامات وهم يركبون و ان شاء الله اقدر اوفر واااايد وارتب بيتي على قد فلوسي..

لو سمحتوا اقترحوا علي اسماء محلات للدرايش . للصبغ . للارضيه. للابواب. للحمامات.

وابي بعد مقاول سعره زين وشغله نظيف عشان يركب ويعدل البيت ..

بأنتظار ارائكم ..

[naklan]

كم غرفه تبي تسوي والمساحات

للغرف ونوع البناء عادي ولا مسلح وانشاء الله نحاول مساعدتك بما نستطيع

عطني التفاصيل وحاضرين للطيبين

[أنا]

وينكم ؟؟

أقترحوا علي محلات أشتري منها الحمامات والارضيه والاصباغ والدرايش والبيبان ؟؟

ابغي شي يكون سعره معقول

[ابـو مــحــــمـــــد]

مدام عطوك سعر 400 انت تقدر تبني بنفسك بـ 200
لكن المشكله الخبره وطولت البال
اذا توفرت عندك الامور كلها سهالات

[r07]

السلام عليكم ورحمة الله وبركاته

ابي اعدل بيتي بغير الله يعزكم الحمامات والارضية والصبغ والدرايش وكل شي وببني غرف زياده جبت شركتين وحده قالتلي 400 الف والثانيه قالت لي 350 الف وكل شي عليهم ..

انا بصراحه حدي 200 الف وما اعرف شي فكرت انا بنفسي اشتري كل شي بروحي يعني اختار الارضية والابواب والدرايش والحمامات وهم يركبون و ان شاء الله اقدر اوفر واااايد وارتب بيتي على قد فلوسي..

لو سمحتوا اقترحوا علي اسماء محلات للدرايش . للصبغ . للارضيه. للابواب. للحمامات.

وابي بعد مقاول سعره زين وشغله نظيف عشان يركب ويعدل البيت ..

بأنتظار ارائكم ..

شوف اخوي كل هالمحلات اذا دخل بينك وبينهم شخص ثالث وسيط ا كيد انهم بياخذون نسبه وانت اولى بها اذا الميزانيه ما تسمح خل المقاول يسوي لك العظم و اعمال الكهرباء كامله حتى تركيب الثريات وليس التمديدات فقط...وترى كل هالأمور سهله اذا سويت مثل جدول زمني يعني 1-سيراميك وبلاط 2- درايش وابواب ونعلات 3- اي اعمال جبس4-الصبغ مع تغطية الأبواب عشان ما تتسخ.
بالنسبه للدرايش فمحلات الألمنيوم كثيره روح وقارن بين الأسعار.والأبواب لا تشتري جاهز روح لمحل نجاره وكذلك قارن بين الأسعار. بالنسبه للصبغ روح جوتن اختار اللون وهم بيدلونك على صباغ طبعا انت تشتري الأغراض وتدفع للصباغ حق شغل يده بس لا تختار النوع المائي لأنه يتقشر بسرعه اختار فينوماستك وترى كل ما غمق اللون كل ما زاد السعر. بالنسبه للبلاط والحمامات انصار سيتي عنده انواع مب غاليه وممكن يدلونك على ناس يركبون لك البلاط.في محل صغير تعاملنا معاه عنده بلاط مب غالي المتر المربع للأرضيات حول ال25 ريال و بلاط الجدران للحمامات 30 ريال اقل شي. (بس اظن ممكن تحط بلاط ارضيات على الجدران وليس العكس اذا عاجبك ) وهالمحل عنده ناس يركبون البلاط على ما اذكر ب 20 ريال تقريبا للمتر المربع . وعلشان ما تتكلف زيادة على السقف لا تركب جبس ووزع الأضاءة بالطريقه اللي تبيها وقت البناء....مثلا حط لك نقطة كهربا في نص السقف حق الثريا و نقطتين على الجوانب حق ليتات اصغر....أواذا في بالك اضاءة حائط ..... سوري اذا طولت عليك....راح ادور لك رقم الصباغ اللي تعاملت معاه و اسم محل البلاط وابعثه على الخاص...بس اذا نسيت ذكرني.....

[أنا]

جزاك الله خير وما قصرت ..