قطري كشخه يرحم والديك شهالموقع الحتر؟؟؟؟؟كل معلوماته بتاعت ستين سنه ورا...ما ينلامون يوم الغوهم
قطري كشخه يرحم والديك شهالموقع الحتر؟؟؟؟؟كل معلوماته بتاعت ستين سنه ورا...ما ينلامون يوم الغوهم
شوف يقولك اسأل مجرب ولا تسأل طبيب
انا الله يسلمك كنت طالب في اغلب المدارس الخاصه 14 سنه وعندي ربع واجد كانو فمدارس خاصه
انا بعد لك المدارس ورايي فيها بحكم التجربه
اكادمية الدوحه(المعموره) ( مدرسه "مش حالك"، ما انصحك فيها، قعدة فيها اسبوع بس يوم كان عمري 16، لعب استهزاء مصخره، مافي تحكم عالطلاب)*
اكادمية الجزيره (ابوهامور)( زينه للبنات لانها مفصوله من الصف الاول عدادي، التأسيس ممتاز لغه انجليزيه، تدريس الشريعه، والعربي ، مدرسه محافضه)
اكاديمية قطر (المدينه التعليميه)( مدرسه تعليم على مستوى عالي يحببون الطالب في الدراسه، يستخدمون افضل المناهج العالميه + الشريعه، مختلط)
مدرسة الشويفات ( الدفنه)( بصراحه شغل وكرف وحك، بصراحه انا طيحت من معنوياتي مش لاني ما اقدر عليها بس لانه شغلهم ما يخلص، بس شهادتها ذات مستوى عالي يعني الجامعات تقبلها بسرعه ، لكن عندنا بيضلمون الطالب في المعادله، مختلط)
مدرسة قطر العالميه ( كيو اي اس) ( مدرسه نظام انجليزي تاسيس قوي في اللغه العربيه والانجليزيه، ماعجبتني لانه في الصفوف المتقدمه تبتدي ظاهره البوي والقير فرند، مختلط)
المدرسه الامريكه (السد)( نصيحه مني لك ابتعد عنها، الطالب راح يتعلم العادات السيئه مش من المدرسين لاكن من الطلبه نفسهم)
المدرسه الانجليزيه الحديثه (مدينة خليفه)( نظام انجليزي، تاسيس قوي فاللغله العربيه والانجليزيه، مفصول فالمرحله الاعداديه فقط)
ولو بغيت نصيحتي بقولك اكادمية قطر
وبصراحه اهم شي تربية الاب لابنه يعني التربيه الصالحه بتظهر ابن صالح حتى لو درس في اخس المدارس
والله يوفقك
ماخبر كان عندنا مدارس قبل ستين سنه وله يمكن تقصدين انهم كنسلو المدارس الى موجوده في اللسته احين هذا شي ثاني فأسمحيلي لانه صارلي سنين مو في الديره ,, عموما مأدري وشو القديم في الموقع ولكن انا حطيت الموقع لانه في ارقام اغلب المدارس الخاصه وهذا يسهل على اولياء الامور الاتصال بتلك المدارس بشكل اسهل واسرع اذا كان عندهم اى استفسار عن المناهج
لك يا نبي الله في أعماقنا قمم من الإجلال والإكبار
عهد علينا أن نصون عقولنا عن وهم مبتدع وظن مماري
علمتنا معنى الولاء لربنا والصبر عند تزاحم الأخطار
ورسمت للتوحيد أكمل صورة نفضت عن الأذهان كل غبار
فرجاؤنا ودعاؤنا ويقيننا وولاؤنا للواحـــــــــــــــد القهار
الشويفات تنصيرية بناتي فيها وكم مرة كلمتهم يحطون صورة دبدوب لعيال الروضة ولما يلونها يطلع دب في بطنه صليب وبالصف الثاني انوواع الاكل من ضمنه لحم الخنزير قصة بالصف الثاني عن الاميرة والامير اللي يقبلها علشان تصحى
لا مجالس اباء
لاحفلات اطفال مرتبه على قولته مشي حالك
رحلاتهم ايام السبت يعني يوم الراحه ومب وايده
المدرسين انجليزيات ولا السنه يدرسونهم ريايل بعد
العربي والشرعيه الله بالخير لايحفظونهم ولا هم يحزنون
الانجليزي مكثف حسبالهم شطارة نص الكلمات ما يعرفونها اليهال
لولا قرب المدرسه من البيت ومافي مدارس عدله بالدفنه جان حطيتهم بمدارس متقدمه واسلاميه اه ه ه بغيتهم بالبيان لكن الواسطه وينها وسمعت ان مستواهم نزل حسبي الله على اللي خلى التعليم بفلوس كل سنه يزيدون علينا وصار العربي والشرعيه مساند للانجليزي
المها والأرقم
المشكلة وين بتصيد لك مكان فيهم
انا صار لي 3 سنوات احاول اصيد مكان في المها للعيال ولا لقيت ولا كرسي
مع ان وايد من عيال اخواني يدرسون فيها
مافيه غير مدرسة المها الانجليزيه يتبعون منهج اسلامي واهتمامهم بااللغة العربيه لايعلى عليه ومنهجهم بريطاني ومديرهم ماشاء الله عليه متدين باكستاني جنسيه بريطانيه
التعديل الأخير تم بواسطة فزعـــــ قطر ـــــة ; 01-03-2009 الساعة 06:31 AM