السلام عليكم ورحمة الله وبركاته

نظرا لما اكتسبته شبكة الاسهم القطرية من سمعة طيبه في اواسط

المنتديات الاخرى وذلك بمشاركة الاعضاء الفعالين الجادين

والذين سعوا لرفع اسم المنتدى وتطور مستواه ، و افادوا الكثير من الاعضاء

من حيث الخبرات وتبادل المعلومات والنقاش الهادف والتقارير الرائعة


سنتحدث هنا والان عن الاستراحه

نعم الاستراحه من مسماها استراحه ولكن لاتعني الاستراحه

التفاهه او لا تعني الانحدار بالمستوى والتعارف المبطن او فقط الشات


الاستراحه ممكن ان تعني مواضيع منقوله مفيده ، صور ، فرفشة ، وايضا امور مفيده

كالطبخ والسياحة و التقارير الاخرى


فان نظرنا للاستراحه بهذا المنظور سنكون قد وفقنا في ازالة اهم عقبة

و استئصلنا قسم قد يضر بالمنتدى اكثر مما ينفعه


ولهذا ارى انه من الواجب علينا السعي لهذا الهدف

وهو .....

نسيان كل ماقد يضر بهذا القسم ويمنع استمراريته

وماقد يتسبب في هبوط مستوى هذا الصرح والايقاع بسمعته

والسبب هو هذا القسم الضئيل

جميعنا يحب هذا المنتدى وجميعنا يود له الاستمرارية والنهوض

كم نفرح حين نسمع بأن شبكة الاسهم القطرية هي المتصدره على رأس المنتديات الاخرى

ونفتخر بأننا اعضاء منتسبين فيه ونتفاخر امام من نعرف بأن هذه الشبكة هي شبكتنا

نعم يدا بيد نستطيع الارتقاء به


فاتمنى من اخواني واخواتي التكاتف للوصول لهذا الهدف

والحين نجي للعامي

ياجماعة تركوا المواضيع التافهه بعضكم يشوفها حلوه وتضحك

بس مب هذي المستوى اللي نبيه احنا اكبر ومواضيعنا ارقى

وحتى مستوانا ارقى من ان نطرح مواضيع بسيطه ماترتقي لمستوانا

كم عدد اخوانك

شتتمنى لو كنت

لو شفت بنت خالتك شبتسوي ولو شفت اختك وعمتك شراح يصير

نبي المواضيع تكون بالقوه اللي الكل ياخذها منا


من يقدر يوصلنا لهالمستوى ؟

من فيكم يقدر يترك السوالف والشات اللي مالها داعي في كل موضوع

الضحك مطلوب نعم والفرفشة مطلوبه بس مب في كل المواضيع بداعي وبدون داعي

فيه منتديات ثانيه ممكن تثرونها بهالنوعية من المشاركات وتكون متخصصه للتعارف والشات

ويامكثرها

وخلونا نكون ارقى من هالنوعية من المنتديات

صار لنا فتره مع بعض وعرفتوا الادارة شتسعي له

فليش ماتحققون هدفها


اتمنى اني اشوف من اليوم ورايح مواضيع افضل


خاطري ارجع احط موضوع الشهر المميز يعني نختار موضوع كل شهر يكون

هو افضل موضوع انطرح وهالشي مب بس للقسم العام ابيه للاستراحه بعد

تقدرون تحققون لي هالهدف ؟

واعتذر من الحين لكل من راح ينحذف موضوعه الغير هادف

واعتذر من الحين لكل من راح ينحذف رده الشاتي والمعروف هدفه

فلاتزعلون ترى نبيكم راقيين نفس المكان اللي انتوا فيه

ودمتم بود


اختكم ROSE