أشكرج أختي المبروكه على تفاعلج وأهتمامج و أنا عندي ثقة أن صوتي مسموع وأخواني وأخواتي في المنتدى بنتكاتف لوقف هذ الشئ وأتمنى تدخل الحكومة للحفاظ على صحة المواطنين وأنا بقتبس مقال أخرمنشور على شبكة الانترنت لشرح المشكلة أكثر
(أوضح الدكتور فيصل بن عبدالعزيز المسلط استشاري أمراض وجراحة الأنف والاذن والحنجرة في تصريح خاص ل"الرياض": ان أبراج الجوال بشكل عام لها تأثير على صحة الإنسان نظراً لما تحمله من ميكرويوفات تبث موجات كهرومغناطيسية حتى ولو كانت على مسافات بعيدة، وإن كثرة التعرض بشكل مستمر لهذا الميكروويف على المدى البعيد فإنها سوف تؤدي إلى نتائج سلبية تؤثر على صحة الإنسان وهي لا تظهر بشكل سريع وإنما على مدى فترات طويلة تبعاً لمدة التعرض لإشعاع الميكروويف الصادر من تقوية برج الجوال، ومن نتائجه السلبية ارتفاع ضغط الشرايين كما يسبب أضراراً على المرأة الحامل اضافة إلى تسببه في حدوث الصداع والتعب العام والإرهاق.
وأضاف د. المسلط ان هناك دراسة أوروبية حديثة أثبتت ان اشعاع الميكروويف له آثار سلبية على صحة الأطفال من بينها أعراض الصرع ونقص المناعة وظهور الأورام الليمفاوية على اعتبار ان جماجم الأطفال أضعف منها لدى البالغين وبالتالي فهم أكثر تعرضاً لأضرار الموجات الكهرومغناطيسية.)
يعني من الاولى أبعادها عن المناطق المأهولة بالسكان على الاقل لحمايتهم من الخطر المحتمل
شلون تكاتف شعبي؟ يعني نقاطع ايش وكيف هي الالية للتكاتف ..
هل نعمل عريضة يوقعها المواطنين ويتم رفعها لمجلس الشورى مثلا؟ والا دام الابراج بعيدة عن بيوت المسئولين مابيهتمون وبيأكدون على سلامتها ..
والا ممكن كل واحد يتصرف اذا لقى برج وحس ان فيه ضرر عليه وعلى عائلته وللاسف صوته مايوصل من كثر مايصارخ انه هالبرج احتمال فيه خطورة عليه وعلى عياله فيتصرف بنفسه بعمليه فدائية لازالة هذا البرج !
الرجال يقول البرج جنب بيته بـ عشر متر يامسئولين في كيوتل وفي فودافون وفي مجلس الاتصالات وفي وزارة البيئة خصوصا ووزارة الصحة ومجلس الشورى والمجلس البلدي هل هذا موجود في باقي دول العالم؟
وهل هناك فعلا معايير سلامة لشركات الاتصالات تطبقها مع وجود جهات مراقبة واشراف للتاكد من ذلك؟ والا الموضوع عايم ومش مهم لانه بعيد عن بيوت الحيتان !
اتمنى من الاخوان يسمحون لي بهالمداخله....المشكله اللي طلعت ان بعض الاطباء في مجالات ثانيه..مثل المثال المذكور في الانف والاذن والحنجره يتكلم عن تأثير الاشعاعات وهو مش مجال تخصصه الفعلي...وانا ودي من الاخوان الاعتماد على مصادر موثوقه لدعم مواقفهم ...واعتقد ان اهم مصدر هو منظمة الصحة العالمية...وانا من بحثي البسيط في موقعهم شفت هالموضوع ...http://www.who.int/features/qa/30/en/
واللي مذكور فيه ان مافي اي دلائل موجوده تربط اي مرض بمحطات الارسال...وتم ذكر بالتحديد امراض السرطانات .... والان ترى الموضوع مش موضوع شركات اتصالات...الموضوع اكبر من جذي...اول شي في قانون اتصالات ويوجد مجلس اعلى للاتصالات واللي فرض شروط على شركات الاتصالات بهدف وجود جودة عاليه من الشبكات...وهناك العملاء واللي اذا الواحد فيهم انقطع اتصاله شرشح كيوتل...وبعدين ترى هالابراج تعمل بقوة بسيطه جدا تعادل مايقارب اقل من 20 واط....بينما محطات الارسال التلفزيوني والرادو تبث بالاف الواطات....وبعدين حاليا حول العالم مايقارب من 800 مليون مستخدم لشبكة الجي اس ام حول العالم...ولم تثبت ولاحادثه وحده عن وجود مسببات امراض من محطات الارسال....
وبعدين الدراسة اللي قاموا فيها جامعة قطر هي لمعرفة معدل الاشعاعات الكهرومغناطيسية في الدولة واظهرت الدراسة انه اقل من المعدلات الدوليه....وهذا بحد ذاته مؤشر جيد ....
الاخ في اي فرع من كيوتل ؟؟؟؟...سبحان الله لو اي واحد اتصل على كيوتل بكره بيلقى نفس هالرد .....(كوبي بيست)....اقول الاخو حط محطه في حوشكم ومحطه في حوش مديرك وبعدين تكلم....ولا يكون تبي تفهمنا ان المحطات اللي عندكم هي نفسها اللي عند منظمة الصحه العالميه خف علينا ...احنا ما نبي هالابراج ولا نبي كيوتل وعله فون يهوبون صوبنا الا لا يبارك فيهم
لحـول ولا قوه
تعرف وين المشكله اخوي
اننا ننتظر وقوع المشـكله ومن ثـم نفكر فى الحــل
مع ان اغلبيه الدول تتفادي وقوع المشكله
الحين امراض السـرطان منتشر بشكل مو طبيعي فى الدوله
وهالابراج الحين بتكمل الباقى لحول ولا قوه
اتمني ان الصحه والبلديه تتصررف لانها من ضمن المواطنين اللى يضرنا يضررهـم
تحياتي لكـم
على بيت واحد من الربع .. توهم مركبـينه ...
ماشاء الله عليه كبيـــر ....
ويعطونه مبلغ ضخم .. شهريـااا ... مدى الحياه ...
يعني مايحتـاي يشتغل في جهة حكوميه ولا قطاع خاص ...
وبعدين ماعتقد في ضرر .. لو في ضـرر .. جان ماحطوووه ....
انزين لو مضر ...
نبغي دليل يثبت انه مضر ؟
وحبذا لو يكون هالدليل من بحووث قطريه ... او مؤكده لدى جهة قطريه معيـنه ...
اما اذا صدر من الجهات الخاصه القطريه ان مافي ضرر ...
انا عن نفسي بقول لهم تعالو حطوو بدل الواحد اثنين .. وموافق بنص السعر ...