السلام عليكم ورحمة الله وبركاته
بدت ظاهره جديده في الانتشار من النصب والاحتيال لكل من يشتري جهاز نوكيا جديد من المحلات
بحيث يبيعونك الجهاز مع ورقة ضمان شركة الخليج ( وكيل نوكيا المحلي ) وتشوف ورقة الضمان بتاريخ جديد وتشتري التلفون بأقل من سعر الشركه بفارق أرخص لايقل عن 150 إلى 200 ريال ... لحد هنا حلو الكلام !
بس الطامه الكبرى لما يخترب جهازك وتوديه مع ورقة الضمان لشركة الخليج .... تتفاجأ انه جهازك مب علي الضمان !
والسبب أنه السيريال نمبر لجهازك التلفون غير مسجل في سستم شركة الخليج ... لانه المحل مب شاري التلفون من الشركه ويجيبونه من الخارج سواء الامارات او غيرها ... ويشترونه بأرخص الاسعار ويبيعونه يضيفون مع التلفون ورقة ضمان الشركه المزوره .... تزويـر عينــي عيــنــك !
يعني ورقة الضمان ألي تاخذها من المحل مــزوره !
علي قولة اخواننا المصريين بلها واشرب ميتها
وهذي الموقف حصل لي شخصيا لما أشتريت نوكيا E66 من احد المحلات المعروفه في السد في رمضان
ومن كم يوم وديته شركة الخليج لأعادة البرمجه علي الضمان وانصدمت بالنصب ألي حصل لي من المحل ( والله خاطري أكتب أسم المحل وافضحهم الله لايكسبهم ان شاء الله وألي يبي يعرف أسمه يراسلني علي الخاص ناوي عليه نيه)
وقالي احد موظفين شركة الخليج أنه هالحاله مرت عليهم وايد والكثير أتوا لهم بورقة ضمان من وكالة الخليج بس النصب والاحتيال في الورقه انه السيريال نمبر المسجل فيها يختلف عن السيريال النمبر المسجل في الجوال !
يعني ماتسوى عليك تشتري تلفون غالي علي الضمان والمفروض تدفع فيه أقل من سعره مب أقل من 200 ريال زياده لانه التلفون بلا ضمان اصلا !
أفضل حل في نظري .... شراء التلفون من شركة الخليج مباشرة خاصة بعد مالاحظت أنه اسعارهم نزلت قريب أسعار المحلات .... أفضل من السابق لما كانت اسعارهم غاليه (وجهة نظر)
ويشهد الله أنه هدف الموضوع هو تحذير الاخوان من حالة النصب ألي صايره عيني عينك هالايام ومب دعاية لوكالة النوكيا
اللهم اني بلغت اللهم فاشهد
|
رد مع اقتباس
المشاركة الأصلية كتبت بواسطة حياتي
