أحذروا من أساليب بعض تجار العقارات

[QATAR-BOY]

السلام عليكم ورحمة الله ,,,

أخواني الأعزاء يجب التأني وأخذ مشورت من لهم خبره وناصحين بصفء نيه .. فالملاحظ من سوق العقارات هذه الأيام أن البعض يطمع الشاري بأن العقارات في أرتفاع لرفع أسعار العقارات مما سيؤثر الأرتفاع الجنوني في هذا السوق ودوران رأس المال فيه في حالة أنخفاض العرض وعزف البعض عن العقارات والتوجه للأسهم .. فنجد أن بعض الدلالين وتجار العقارات وهم أغلب العارضين للعقار ات في هذه الفتره ( قلة الملاك المباشرين) يدعون أن الأسعار سترتفع فيكيف سترتفع وهناك تشديد أكبر على الأموال الداخله للبلد مما سبق بمقتضى قانون منع التستر وأرتفاع الأسعار الجنوني ومحدودية السيوله بسبب أنخفاض مبالغ التمويل البنكي المعتمد على الرواتب .

أرجو التأني وعدم الأنجراف وراء الدلالين وتجار الشنطه في العقارات لأن أغلبهم لديه قناعه بأن العقارات سوف تنزل عقب 2006 ويود جمع مايمكن جمعه والله يعين المشتري في دورة العقار .


وتحياتي للجميع,,,

[سهم عتيج]

كلام منطقي يا قطر بوي,, وبالفعل تجار الشنطة ينشطون هذه الأيام لمعرفتهم المسبقة ان هذا الوقت هو المناسب لهم للتحرك,, لذلك فعلى كل من يرغب بشراء عقار من أجل الاستثمار ان يدرس كل الجوانب المتعلقة بالاستثمار كالعائد على رأس المال,, ونسبة الفوائد الموجودة بالسوق,, وكذلك الفرص البديلة,, وكذلك كم ستكون مدة انتعاش سوق العقارات للفترة المقبلة,, خصوصا وأن تصريف العقار قد يحتاج الى وقت أطول بكثير من تصريف الأسهم مثلا,, لذلك فعلى كل واحد توخي الحذر في مثل هذه الأمور

والله أعلم

[QATAR-BOY]

السلام عليكم ..

أخي العزيز سهم عتيق أشكرك على مشاركتك في الموضوع ... وأتمنى لك التوفيق ... بس شرايك في هالدلالوه مب همه الى يبيع وبس .. يخي الظاهر حاسدين الناس على الي بييهم من الأسهم ومن الأحين ناصبين لهم المصائيد .. وبعدين أذا ردة فوائد البنوك للأرتفاع بتحصل أكثر قطاع بيتأثر هو سوق العقار كان من ناحية كبار المسثمرين الي بيتوجهون للأيداع والأعتماد على عوائد الودائع بدون مخاطر والى المستهلكين الي بيتأثرون من سعر فوائد الأقراض ..


وشكرا مره أخرى

[حمد]

يعني اسعار الااراضي بترتفع ولا بتنزل ...

بس تبي الصج الدلالوه ... يعجبونك ..... مافي ارض ... الاايقولك فرصه ولاتفوتك ... مافي احسن منها ...

لا ويجيك مرات .... ايقولك في واحد يبيها ... بس انا ابي ابيعها لك .... ( قمت اشك انه يقرب لي وانا مادري )

حمد

[سهم عتيج]

ومعلومة أخرى عن الدلالوه,, اذا يبغونك تشتري,, يصورون لك العقار بشكل خيالي على انه لن يتكرر مثله,,

بس اذا يبغونك تبيع,, كرهوك في عقارك بشكل غريب حتى تبيعه..

يعني ماتعرف لهم..

[QATAR-BOY]

السلام عليكم ,,,


تحيه طيبه للأخوه سهم عتيج وحمد وشاهيناز على تفضلهم بالمشاركات القيمه .. أخواني الدلاله مهنه من مهن التجاره وعلى مقال التجاره شطاره بس مب عياره وأكل مال الناس بالباطل .. تنبيهي قصدت فيه تجنب تلك النوعيه لعدم توفر الأسس العلميه أو المعلومات التي تبني عليها قرار الأستثمار أو التسعير وأتمنى لو قامت وزارة الأقتصاد بالتنسيق مع وزارة العدل بتسعير المناطق بناء على أحصائيات ومعلومات كل من الهيئه العليا للتخطيط وأدارة التخطيط العمراني على أن تتحرى الشفافيه وعدم أخفاء المعلومات عن البعض وأضهارها للبعض أو التفكير كما تفضل أخي سهم عتيج بالخيارات الأخرى قبل الأقدام على الشراء أو البيع .. وبعدين اليوم العقارات تقول شاري في ضواحي باريس والى لندن الأسعار عاليه وضربته في الخساره الله يبعدها عنا وعنكم ضربة ساطور مب قرصة قروص .



وتحياتي للجميع...

[Le7dan-Qatar]

اي والله اذا بتبيع يكرهوووونك بحلالك

لكن اذا بتشتري يكون عرضهم احسسسسسن عرض في العالم

مادري ليش العياره
؟؟؟

هم مايدروون ان الرزق من رب العباد

لكن بصصصراحه احب الدلال القطري واحب افيده الي يصارحك وتعرف من كلامه انه صادق معاك

لكن بعد مب الكل

لكن الله المستعان

[بوحظين]

كلامك يا قطر بوي ... منطقي ... و هذا اللي بصير بعد 2006 ..... العقار بينزل .... و بصير زي ما هو صاير في البورصة هل الايام ... لمتات داون ..... عاد ملاك العقارات لا يطمعون ... الناس بدت توعى لهذه المسألة .... انا لاحظت هذا الارتفاع في بعض دول الخليج ... البحرين و السعودية .... في السعودية الاراضي و البيوت ارتفعت .. و احين الناس قامت ما تشتري ...... نتيجة اكيدة ان الاراضي تنزل .

[مافيا قطر]

ما قصرت والله اشان الناس تنتبه

[حمد التميمي]

الله يبعدنا عن هل تجار ونصبهم