ضروري ومستعجل ..احسن انواع مكيفات السبلت يونت؟

[الســـهم]

جنرال أو فوجي عند الريس

عن تجربه ..

الجنرال وكيله اسد عمادي بطريق سلوى , والفوجي وكيله الريس بشارع الخليج ..

[almaf1a]

فوجي الريس
واذا في فلوس ميتسوبيشي

[Nasser J]

انا الصراحة أنصح بالبناسونيك .. خدمتهم بعد البيع جيدة

[الصاعق الحارق]

ذا تبغي اصلي وارد اليابان لاصوت ولا خراب خذ مستوبيشي ولاتفكر في غيرة

[البرونزي]

خذ الترتيب العدل عن تجربه وماراح تندم ان شاء الله
صح بتدفع في البدايه لاكن بترتاح من مشاكل الاعطال

1- ميتسوبيشي
2- جنرال ( شركة اسد عمادي )
3- فوجي

وأهم شي تسألهم ايش الحجم المناسب للمكيف بالنسبه لحجم الغرفه
مثلاً غرفه حجمها 4 في 4( طن ونص) كفايه ومن 5 في 5 لين 6 في 5( طنين )كفايه الخ ...

والله يوفقك

[technical]

روح حق الدرويش في شارع سلوى , صج انه غالي مقارنه بغيره في السوق . لكنه يعطيك حقك لين هبت اللواهيب في الدوحه . مهب مثل ذيلاك الي تطيح بهم ركبهم لين جات القايله.

[المغترب 123]

عليك بالجنرال اللي وكيل أسد العمادي عن تجربة

وليس جنرال إليكترك

اوافقك الراي وعن تجربة ايضا

[ولد البدر]

المتسوبيشي دايا يقولون ممتاز ، وانا عندي جنرال ياباني سبيليت يمكن صار له 10سنوات وشغال ما يحتاي وبارد وصيانته قليلة شاريه من شارع الأصمخ أسد عمادي

[المبرمج]

أخوي عليك بالياباني أذا عندك فلوس " مستوبيشي دايا " وكيله أتوقع التيسير وهو ياباني أصلي

وعندك مستوبيشي اليكتريك - كيوتل الي في شار ع مشيرب مركبين منها تقدر تسألهم طبعاً هالنوع تايلندي

بس مضمون . والفرق أنه تجميع تايلند .

وعندك الفوجي وجنرال .

لادور غيرهم ولاتسأل .. لابد ماتحدد حجم الطن من خلال الفني يطلع معاك قبل لاتشتري .

أسأل عن نظام الكمبريسر هل هو راوتر أوبستن . والي أعرفه أن البستن أفضل من الراوتر

وعند التركيب لابد مايكون المكيف مائل قليلاً حتى لايتم تسريب الماء بأتجاه فتحة التصريف .

والله يوفقك أن شاء الله - ماخاب من أستشار .

[qatarairways2]

TRANE