اتمنى الافاده من اهل الخبره,اي احسن لارضيات البيت حق غرف النوم السيراميك ولا البورسلان او غيره وياريت معا ذكر السبب معا العلم العالم كله سيراميك وقالي مهندس ابعد عن السيراميك لانه يتكسر هل ذالك صحيح؟ وبالنسبه للمجلس والصاله وشوه الاحسن رخام او جرانيت وشيكون صناعته؟؟؟ وجزا الله الف خير الي يساعدني ويرزقه من حيث لايعلم
سبحان الله العظيم سبحان الله وبحمده
السلام عليكم ورحمته الله وبركاته
بالنسبه للأرضيات فالأفضل هو البورسلان اقوى واحسن وكلام المهندس صحيح نفس كلام المهندس اللي بنا بيتي واغلب كلام الناس توكل على الله سبحانه وخذ البورسلان ومنت بخسران انشاء الله ...
وبالنسبه للمجلس والصاله في بورسلان يتركب زيرو جوينت يطلع روعه كأن الارضية عندك
قطعه وحده راكبه بس يبيلها واحد فنان تركبه مثل ماتركب الرخام بدون فواصل..
واذا لك خاطر على الرخام او الجرانيت فالرخام افضل للبيت من من داخل واشكل أما لجرانيت
فنصيحتي اذا بتركب ركب برا عند مداخل البيت لان لجرانيت قوي ولا يتأثر بالشمس مثل الرخام
اتمنى اني وفيت لك المعلومات وبالتوفيق انشاء الله والله يعينك على التشطيب
ويجعله منزل مبارك انشاء الله
--------
--------
((اللهم لك الحمد كماينبغي لجلال وجهك وعظيم سلطانك))
------------------------------
العالم طايحين في البورسلان..
بس انا اقول حط بلاط عادي.. وفوقه زوليه محترمه..
جزاك الله خير وبعد حد عنده شي يفيدنا فيه؟المشاركة الأصلية كتبت بواسطة المسكين
سبحان الله العظيم سبحان الله وبحمده
للغرف سراميك ويفضل السراميك الاماراتي وابتعد عن الصيني وهو افضلهم وللممرات بورسلان ويفضل الاسباني او الاماراتي وللمجلس والمطعم والصالات رخام ومدخل الفيلا ايضا رخام اما بلاط الحوش عليك بالاماراتي افضلهم او الاسباني ولاطقم الحمامات وانتم بكرامة عليك بالالماني من بلاط وقطع مع الاكسسورات الخ ,,,,ايضا وابتعد عن الصيني لانة ديكور فقط ولكنه لايتحمل ويتلف بسرعه
التعديل الأخير تم بواسطة المغترب 123 ; 21-03-2009 الساعة 01:50 PM
جزاك الله خير بس بالنسبه للحمامات الله يعزكم لقيت عند نابينا اطقم وجدران وارظيات اسباني اشرايكم فيه؟
سبحان الله العظيم سبحان الله وبحمده
شوف من واقع خبره في البلاط انا اقولك كل البلاط زين صج يمكن في نوعيات مثل ماذكروه الاخوان الصيني والهندي والايراني يتغير لونه ويقشر الصبغ اللي عليه بس انا اقولك شوف احسن بلاط امدحولك ايه اذا ما ركب عدل يعني خلطة الاسمنت تحته كامله مب اشوي فيه واشوي مافيه صدقني بيتكسر يعني بالعربي الرك على التركيب وانا ايد النوع الاماراتي حلو وسعره معقول
عبوووووووووووود زخوه
وبعد من يفيدنا؟
سبحان الله العظيم سبحان الله وبحمده
نصيحه اخوي اذا بتاخذ رخام خذ معاك واحد يعرف حق الرخام لان بعض المحلات يبيعون لك رخام صيني او هندي او مصري على انه ايطالي
تبي الصراحة
غرف النوم بلاط عادي و فوقه سجاد اي موكيت ادفى في الشتاء
الصالات بورسلان مطفي اي مش لماع فيه منه انواع كثيرة أو رخام
لكن اليهال الله يهديهم ما يقرون اذا الارضية مش ناشفة ميه بالمية خطر عليهم
تحياتي
يقول محمد بن سوقات
بص العيايز مر مشحونيتعلمن كتبه وقراية
ادخل حسن واظهر حسون
ضوابط المشاركة
رد مع اقتباس
