السلام عليكم ،،،
ناوي اركب عازل حراري على موتري وغالباً يا جونسون أو تيتانيوم فياريت اتفيدوني أي نوع احسن وشنو الدرجة المسموحه من قبل المرور + الفحص الفني لان الـ 30% داش بخاطري والله ، بس أخاف يكون ممنوع ويقولولي شيله ومشكورين ياشباب
السلام عليكم ،،،
ناوي اركب عازل حراري على موتري وغالباً يا جونسون أو تيتانيوم فياريت اتفيدوني أي نوع احسن وشنو الدرجة المسموحه من قبل المرور + الفحص الفني لان الـ 30% داش بخاطري والله ، بس أخاف يكون ممنوع ويقولولي شيله ومشكورين ياشباب
اخوي نصيحتي لاتركب لانه مراح تمشي في الفحص حته لو زيرو زيرو وهذي تجربتي شخصيا
واي واحد عنده خلاف هالكلام خله يطلع ويثبت لك بقانون من المرور انه مسموح
ترى والله بتتبهدل نفس مابهدلوني الله يبهدلهم
ركب على الجامات الخلفيه بس
كلامك صحيح اخوي ولكن للاسف الي عندي واسطه عنده قانون خاص به
انا قبل كم شهر طرشت سيارة البيت ( تويوتا بريفيا ) وعليها عازل جونسون 0 % وطبعا ما مشوها ورحت عند الشرطي وحاولت قالوا لي ما في فايده شيل العازل من الزجاج الامامي والخلفي والسايق والعبري
وانا احاول واصرخ واعصب شفت واحد جالس مع النقيب ويسولف ويتقهوى معاه والشرطي راح وخلص الاستماره مع ان العازل 30 % والسياره سبورت ما اعرف نوعها يمكن بنتلي او حدى هالسيارات الغريبه الي بيبانها تطلع على فوق كنها طياره
استغفر الله الذي لا اله الا هو الحي القيوم وأتوب اليه
وهالشرطي الحلو وين يكون بالفحص الفني ولا بمرور مدينة خليفة بروح اتقهوا عنده بس المشكله موتري الباب يتبطل عادي مو على فوق ، هههههههههه
..
السلام عليكم..
شباب على حسب إللي أعرفه إنه فيه محلات مرتبه أمورها مع إدارة المرور..
خصوصاً محل في كول إللي بطريق سلوى على حسب كلام واحد من الشباب
مركب عنده (30%) وقال لي إنه يعطي فاتوره وضمان إن المرور مايشلون
العازل وطبعاً تقدرون تروحون تتأكدون بنفسكم..
محل جونسون آنا من فتره بسيطه كنت أركب عنده حمايه لليتات والكشافات
ركبهم لي بـ 400 ولواحد من الشباب بـ 350 ، المهم لما سألت المصري
عن العازل ( باع لي حجي ) ووقت الصج لما جيت أركب وقلت له لو المرور
نزلوا العازل باخذ فلوسي منك !!
قال لي ( لا طبعاً ياباشا دحنا منئدرش على المرور مايصحش كده دي حكومه !! )
يعني بصراحه أنصحك أخوي تروح في كول إللي بطريق سلوى وتتأكد
ولو بتركب عندهم خذ ضمان مختوم إنه مصرّح أو إنهم يرجعون لك
فلوسك إذا المرور نزلوا العازل من موترك..
وبالنسبه للـ 0% بصراحه ياما ركّبت آنا وكذا واحد من الشباب ولا مره
وقفونا بفحص فني أو بشارع وأعتقد إذا حد فعلاً تضرر من هالشي
يقدر يشتكي وعنده عدة طرق أقلها إنه يكتب شكوى لمدير المرور
ولو ما أنصفه ممكن يشتكي بالداخليه أو حتى بأحد وسائل الإعلام
ويامكثرها..
بالتوفيق للجميع إن شاء الله..
..
"ربنا لا تحمّلنا ما لا طاقة لنا به"
لعشّاق تربية طيور الزينه، حياكم نتبادل الخبرات والآراء والصور
http://www.qatarshares.com/vb/showthread.php?t=382823
لمن يرغب بدراسة الماجستير، حياك نوصل لحلول مفيده للجميع
http://www.qatarshares.com/vb/showthread.php?t=294316
أين القطريين من دورات مركز قناة الجزيره للتدريب
http://www.qatarshares.com/vb/showthread.php?t=282727
حصرياً لشبكة الأسهم: تايلند وماليزيا بعدسة " إعلامي قطر "
http://www.qatarshares.com/vb/showthread.php?t=169494
..
ركب لك مخفي اسود 10%
و خلك من عوار الراس
الله يرحمك يا
.. حسن مرشد الكعبي ..ويغفر لــك
يـــوم 28 - 04 - 2008 .. انطفت شمعتك يا بو علـــــي
مرّت 5 سنين
والله ياخوي المرور اللي في الفحص الفني يمشون على المزاج
لو تشيل المخفي و الجامات بتريح راسك
لا اله الا الله ..... محمد رسول الله