الدرجة المسموحة للعازل الحراري

[بو الجوري]

انا بقول اللي اعرفه ..

انا مره كنت مركب مخفي 30% و ورا 100% فطالع الموتر فليل كأنه 100% كامل
وقفني الشرطي وقالي شيله وممنوع .. وشلته بدون لايخالفني .. ماقصر ..
بس سألته شالمسموح ..؟ قالي 10% ويكون عازل حراري وعندك الفاتوره برقم الموتر ..
ولا حد بيكلمك ..

وثانياً إذا موترك موديله فوق الـ 2007 لاتحاتي الفحص لانه ماعليه فحص فني اصلاً !

وأخيراً لاتركب عازل ولا شي .. حراام تدفع بدون فايده .. او سبحان الله تبي تغير المخفي او تنزله او اي شي ثاني ..
ركب مخفي عادي من محلات الزينه .. بس يكون واحد فنااان ..
ووفر فلوسك

[بوسعد82]

الله المستعان

[الحـ قطر ــب]

وليش ماينزلون تعميم رسمي ويصرحون الـ 30% ويفكووووووونا ؟؟؟؟
اعتقد انه مناسب واللي بداخل الموتر يبين واااااضح لكن ربعنا (ادارة المرور) مادري شفيهم.

[HEART_LION]

وليش ماينزلون تعميم رسمي ويصرحون الـ 30% ويفكووووووونا ؟؟؟؟
اعتقد انه مناسب واللي بداخل الموتر يبين واااااضح لكن ربعنا (ادارة المرور) مادري شفيهم.

انا بس ابي اعرف العازل ليش ممنوع؟ دام انه يبين اللي في السياره وهو شفاف مافيه اي مشاكل؟؟؟ مهما كانت درجته من زيرو الى 50 بالميه كله واضح

[ولدالمنتدي]

حاسبوووو لان الفزعه هل اليوم مسويه حمله تفتيش دااايم اخر اليل في الكرونيش والنصر والاماكن اللى يتواجد فيها وانا واحد تعرضت وشفت ناس ابعينى اشلون المخفي والعازل شنو حالتك وانت اشيل المخفي او العازل اخر الليل وانتبهووووو يا شباب

[الحـ قطر ــب]

كملت قبل كنا نشرد من المرور واللحين طلعولنا (الفزعة).
شباب اللي يعرف ضابظ ولا اي احد بالمرور يسألنا يكسب اجر وانا اول واحد بدعيله.

[HEART_LION]

كملت قبل كنا نشرد من المرور واللحين طلعولنا (الفزعة).
شباب اللي يعرف ضابظ ولا اي احد بالمرور يسألنا يكسب اجر وانا اول واحد بدعيله.

اخوي اسمع نصيحتي وهذي تجربتي واخرتها بتخسر فلوسك ع الفاضي ولحد راح ينفعك

انا قالوا لي مسموح وركبت واثبت لهم قالوا من قالك؟ مسموح فقط على الجامات الخلفيه وكلمت الظابط قالي الفني برا بيشوفه هذا كلامه وهو بيحدد يعني انا ماطلع برا

وانت بكيفك هذي تجربتي شخصيا ومحد نفعني الفحص الفني مراح تمشي

ولا تقول اني بتفق مع صاحب المحل وبركبه واذا مامشوني بتشيله او ترجع لي فلوسي بالاخر انت راح تخرب سيارتك والخطوط اللي ورا في الزجاجه الكبيره تخترب واصلا مايسوه عليك تبطل وتركب هذا اذا ماعطوك مخالفه

باب يجيبه الريح سده واستريح

[الحـ قطر ــب]

ننتظر ردود باقي الشباب

[بن درويش]

ركب لك مخفي اسود 10%

و خلك من عوار الراس

100%

[شبح الأسهم]

عليك بفي كول انا الصراحه مركب ي كول وانا متاكد انهم متفاهمين ويا المرور ويعطونك شهادة