الاهداء لمن اخذ الكثير الكثير
ولم يعطي سوى القليل القليل
المتبوع بالمنة


ضحيت لك بكل شي وعطيتك الحب الكبير
كنك على كثر الجفا روحي بحبك حالفه
ودي ازيد الك العطا واعطيك انا الشي الكثير
ما طعت منهو قال لي اللي يخالف خالفه
قلبن عشقك و رق لك جالك على دربك يسير
مسكين قلبن والفك اخذ العطا ثم والفه
والله لو زدت العذاب او صرت في روحي خشير
اجيك انا اقبل يدك لو هي تطول السالفه
واعطيك من حبي ورود تفوح لك عطر وعبير
تبقى على مر الزمان تفوح ماهي تالفه
اعطي وانا عندي يقين انك على فعلي بصير
و اثر الخطا يا صاحبي نمشي وهي متخالفه