افضل حل تصرفها من البنك نفسة (بنك الريان فى الدوحة من فترة قريبة فتحوا فرع فى السيتي سنتر حتي ما اضافوة الى موقعهم الالكتروني ) اذا تعرف احد من الاهل او الربع جاي تعملة توكيل محدود او وكالة خاصة لصرف و سحب شيك الريان ( لا يقلب الاسهم باسمه او يبيعهم هههه ) و تصدقة من السفارة القطرية فى الكويت و تصدقة من وزارة الخارجية الكويتية ( يعني شوي دوخة) و ممكن يصرف الشيك بموجب التوكيل
او تخلى الشيك عندك الى الزيارة الجاية للدوحة و تجدد الشيك لانة بيكون منتهي لانة مضى علية اكثر من 6
اشهر اذا ما خاب ضني شيكهم بتاريخ فبراير يعني فى اغسطس يكمل 6 شهور. تجديد الشيك بيكون من قسم شؤن المساهمين فى البنك علشان يعدلون فى التاريخ و يوقعونة لك التوقيع المعتمد ( بتصرف بين تذكرة و سكن اضعاف الشيك)
او تحاول ينزلون لك الارباح فى حسابك فى الكويت او تفتح حساب عندهم و ينزلونلك فيه ( اذا وافقوا ) بس بتضطر انك تزور الدوحة ... الاحسن تستلم الارباح عن طريق حساب و يكون عندك بطاقة سحب علية تسحب الارباح من الكويت ... هذا و العلم عند الله و الله يوفقك