اول شي :السلام عليكم ورحمه الله وبركاته اخواني واخواتي في الله
ثاني شي: مرحبا ومسهلا بكم في موضوعي البسيط والذي اتمنى ان يحوز على رضاكم
ثالث شي :
رابع شي: يقول //// مدري حب مدري طفاقه @ المهم اني على نك نيمها ادمنت
خامس شي : في لحظتن وشلون جالك بها دور && ولا انتي اخر من يفوز بحناني
سادس شي : لاحظوا التناقظ بين الشي الرابع والشي الخامس
سابع شي : ادري اني مللتكم وثقلت عليكم بالمقدمة البايخه
ثامن شي: بدخل في الموضوع عقب شوي
تاسع شي : الحين بيبدأ عرض الصور مع تعليقاتي الكيوت
الموضوع عبارة عن صور لأسكوترات في منطقة الخليج الغربي وبالتحديد على سيف بحر فندق الأنتركونتننتال<< الأسم صح ولا غلط
وهذا المكان من احب الأماكن لي لأني قريب وهادي في الأيام العادية ومزعج في الويكند
كل جمعه على العصاري اروح هناك اشم لي شويه هوى
واغير جو وعقب اكمل مشاويري
في يوم من الأيام قلت في نفسي ليش ما اسوي تقرير مصور لما يحدث هنا
للأعضاء الطيبين واخليهم يستمتعون بالمناظر البحرية
خلاص بوقف عن الكلام احس اني ازعجتكم بسوالفي
راح اعرض لكم الصور وكل صورة بيكون التعليق عليها تحتها
...........................................
قبل وبعد كل شي لااااااااااازم امر على مطعم الكرك واخذلي شي يجيب الراس
ومن شرب الكرك نجى من الغرق<<<<<<
فندق الأنتر وهو من فئة الفايف ستارز
صورة كيوت لأبراج قطر<<< بلفيت اني فنان تصوير
وهذي الصورة لنفس الأبراج
لكن في الليل وكان السحاب مغطي الأبراج ( سبحان الله )
هاااااااا وين السكوترات ؟؟؟؟؟؟
اكيد نازلين البحر الربع
تعالوا خلونا انشوف وين نزلوا السكوترات
يبيييييييييي وهذا واحد من الشريرين
لحد يغرق بس
الأخ متمسك بالعادات والتقاليد ونازل البحر بالثوب والحمدانية
مسكييين يا راعي ال 2009 ولا مهتم في الموتر ما شاء الله عليهـ
واحنا انصيح على موتر موديله 1996 لو يصيده شمخ صغير
عمليه انزال الصواريخ البحرية ( الأسكوترات )
هذي الأسكوترات للأيجار واسعار الأيجار تختلف من نوع لآخر
والساعه بين ال 200 وال 300 ريال تقريبا
يوم شفت هالسكوتر بروحه
قلت في نفسي ليت من ينقز عليه ويشرد
يروح يتمشى في البحر شوي
زحمه يا دنيا زحمه الناس ما عندهاش لحمه
في هالمكان تلبس اللي تبيه
رياضه ولا ثوب ولا شورت ولا بك.......
حافظوا على ملابسكم البيضاء ( الغتره والعقال ) ولا قطعت العقال على ظهوركم
هذا كان جاي من عند فندق الرتز كارلتون
ويوم شافني اصور قرب صوبي عشان اصورهـ
كان يسوي حركات حلوة بالسكوتر وعجبني حيل ( الله يحفظهـ )
ما حب الزحمه ولا الحشره لكن اكون مجبور في هالمكان شوي
زحمه يا دنيا زحمه الناس ما عندهاش جمبري
الرحيل
هذا راعي الشروكي مركب في التيدر ( القلص اللي يركب السكوترات فيه )
وكان مركب 4 سكوترات من الحجم الكبير وقلت في نفسي كيف بيقدر يسحبهم كلهم
شوفوا الصورة اللي تحت ايش اللي جرى لهـ
مسكين غرز والموتر قام يطلع ادخنه
ترى عيني مب حاره لكن صدق من قال العين حق
هذي الصخور شفتها وعجبني شكلها
قلت اصورها لكم حتى تكحلون عيونكم بالنظر اليها
وهذي صورة الناقل الرسمي للتقرير
جي 96
وهذي اخر صورة في الموضوع
بوحروب
وبث
كان معكم اخوكم في الله بوحروب الدبدوب
واتمنى ان يعجبكم تقريري المتواضع
الى اللقاء في تقرير جديد وممتع وكيوت