درابزين وابواب

[بوجاسم 11]

الحمد لله اسعارنا زينه 15 الي 20
الف ريال اذا انا مسوي بعد شغل وايد
اخوي جيبلك حداد من الهند ومعاشه
500 ريال ابرك من الايرانيين
والله الاسعار اللي عندكم تخرع
لو انا منكم اسكن في ملحق ابرك
ههههههههههههههههههههههه

[الوفي]

بعد فديت خشمك مره ثانيه يالوفي
ابشرك رحت حق الدكتور وسويت له نفس فلمك ونزل لي من 64 ألف لين 59 الف سعر معقول

يالربع اللي بيروح حق حدادكو يودي معاه أم سعيد ( كم آخر آخر كم ) وبشر بالخصم الزين

واللـــــــه اني فرحت لك يالغالي بس لاتستعيل......كاسره الف له قصة لك وأشرح له ظروفك صدقني بينزل لك بعد...
على العموم أنا وقعت العقد مع حدادكو وألحين يفصلون لي ....... بقولك الي خذيته وقارن بالي عندك وهنا أتشوف سعرك.....
العقـــــــــد بمبلغ وقدرة خمســـــــــــون الف ريال تدفع على ثلاث شيكات.....
الاول 30000 ريال بعد توقيع العقد
الثاني 15000 ريال بعد التركيب بالموقع
الثالث 5000 ريال بعد انتهاء الدهان والاعمال الاخرى
المهم العقد مع حدادكـــــــو مكون من........
باب الفله الرئيسي 2م عرض في 2.5 أرتفاع
باب الحديقه من طرف الفله 1م عرض في 2.5 أرتفاع
باب الملاحق من ورى الفله 1م عرض في 2.2 ارتفاع
باب المقلط 1م عرض في 2.2 ارتفاع
باب المجلس الرئيسي 1.7م عرض في 2.3 أرتفاع
باب المجلس الخارجي للسور1.2م عرض في 3 ارتفاع
باب السور الخارجي الصغير 1.2م عرض في 3 ارتفاع
باب السور الخارجي الكبير 3.5م عرض في 3 ارتفاع
الدرابزين لدرج 19 م مع حنية بالدور الأرضي مب لولبي مايل
شبك السور للمجلس قطعتين يعني فتحتين مربعات 2.2 عرض في 2.5 أرتفاع
(( أدري بتسألني عن الشكل ابشرك عطاني حرية ألاختيار من اي شكل بالكتولوجات وبالمعرض لكل فروعه.....طبعا اخترت الجخه والغالي.....خخخ...على فكرة 3 من ربعي وقعوا معاي نفس العقد لان فللنا تتشابه بس كل واحد بفريج.....))
قارن أذا انت اكثر امتارك وقع اذا أقل حكــــــه صدقني بينزل تراهم عيارين قوله بيبلك جماعتنا تراهم يبنون بس هذي الكلمة بينزل 5000 ريال وبالتوفيق....

[قطري 22]

انا سويت باب الحوش 4*3 ب 11500 صب المونيوم كامل عند المياسه

باب الفيلا 320*280 ب 9000
شبك حمايه للشبابيك 21م ب 6900
عند الامن والسلامه وشكلي بسوي الدرابزين عندهم