هيئة التخطيط العمراني الى اين مع موظفينك .....استفسار قانوني

[khalid 87]

وللعلم الأجنبي ماجاه اي تغيير في الراتب صح بس جاه تغيير في كل الامتيازات والراتب جايه الدور هذا الموضوع يدرس في مجلس الوزراء الحين والي خلى هالموضوع يتأجل شوي لأن معظم الاجانب بعقود محددة المدة لكن تم التنبيه على كل الجهات من مجلس الوزراء ان اي عقد ينتهي يوافون فيه الامانة العامة لمجلس الوزراء عشان يتم تحديد العقد الجديد وأكيد ماراح يكون أحسن من القطري

[بويوسف]

يالملياردير القانون الي طبق عليكم طبق على غيركم ولا التخطيط ولا أكبر واحد في التخطيط يقدر يسوي شي على الأقل انتوا كانت رواتبكم لمدة اربع سنوات عالية والكل يتمنى يكون في التخطيط ليش تزعلون الحين يوم تساويتوا مع الناس وبعدين انا لي واحد من اخواني في التخطيط ووظيفته تقدر تقول كبيرة يحلف انهم متضايقين لانهم مجبورين يطبقون القانون وفي ناس عندهم راح اتضرر لكنه مو بيدهم كل يد فوقها يد الله يعينكم ويعين كل من تضرر والله ييسر له الأفضل

خالد يقول لكم ليش تزعلون يوم انكم تساويتوا ونزلوا رواتبكم ..

بس خالد مايعرف ان في ناس رواتبها جدا عادية ومافيها زيادة ومايدري عن المهندسين وكم رواتبهم .. وياريت لو تسال اخوك عن التضبيط اللي صار بالتسكين حق ربعهم.

لاحول ولاقوة الا بالله.

اللهم لاتؤخذنا بما فعل السفهاء منا.

[$الملياردير$]

بيض الله وجهك يابويوسف .....المشكلة و انا اخوك ان الكل يفكر ان اللي في التخطيط مرتاح ..لكن مثل ماتفضلت كانت كيكه وزعوها بالتسكين على ربعهم .........والله يحاسبهم

[باحث علم]

الكل تأثر في التخطيط العمراني
وكل متضايق ولا حد له خلق يشتغل صراحة
واللي زاد الطين بله كتاب الدوام لين الساعة 2.30 صج لي قالوا تمخض الجمل فولد فأرا
يابلفيت مسوين شي يعني هههههههه
اذا هم يقارنون الهيئات بالوزارات اوكي المفروض الدوام يكون لين 1.30 بالكثير

[$الملياردير$]

ياباحث علم ...اوقات الدوام حطينها على كيفهم هم ...واصلا التسيب بداء من المدراء و روئساء الاقسام قبل الموظفين .....وخاصة بعد قرار الدمج المبارك مع البلدية ...و المشكلة مافيه حد يحاسبهم ...

[شيخ القبيلة]

السلام عليلكم ورحمة الله و بركاته .....الله يصبحكم بالخير جميعا ...اسمحولي مابي اضيق عليكم و لا ازعجكم بس اني تراودني بعض الاسئلة عن هيئة التخطيط العمراني ..والزمن المؤقت لوجودها ...حال موظفينها ..التخبط الي كان ومازال ..التعتيم الاداري وعدم وضوح قانون الموارد البشرية ..وتعميمه على الموظفين ....

1_ هل يعقل ان يعمل الموظف من 1/4/2008 الى 31/3/2009 ويتم تقيمي بأمتياز من قبل المسؤل المباشر ..ولا تضاف لي الزيادة السنوية الى الاساسي ...يعني سنه عمل بدون علاوة يعني من صيد امس ..( ابي راي قانوني ) ويرسلون كشف بالاساسي الى الخدمة المدنية بالاساسي القديم مع العلم ان القانون يطبق من 1/4/2009 يعني بعد استحقاق العلاوة.


2_ تم عمل الخصومات الفعلية من بدل السكن 3500 دون اي اشعار رسمي و لا اجتماع و لا تعميم ولا ........اي نوع من ردة الفعل ...مع العلم بأننا وعدنا اننا لن يتغير وضعنا من قبل الدير العام

3_ تصلني رساله من البنك وليس منهم من دون الزيادة السنويةو مع خصم السكن

4_ التفسير المنطقي ان السادة المدراء و روئساء الاقسام لم يتأثر بالقانون بل طلعوا بالموجب ....فلماذا يحركون ساكن والله منطق ..

5_ اتحدى اي واحد منهم يرد علي ردقانوني يشرح لي و جهت نظرهم المشكلة اننا احنا كموظفين قطرين ضايعين ......

6_ اختم موضوعي بأبتسامة ( الاجانب لم تمس رواتبهم ....واودعت البنوك بدون اي نوع من الخصم ) .

بالعكس المدراء والموظفين جينير وسينير نقصت رواتبهم في كل الجهات اللي تأثرت وتضررت وهم مابيدهم شي الصراحة، وبالنسبة للزيادة السنوية الظاهر مستكثرينها علينا الله ياخذهم قوا آمين