""""""___ الرد على كم يسوى متر العظم ___""""""

[hamoor4ever]

ايش الفرق بين التجاري والسكني؟؟

مافيه شي اسمه تجاري او سكني بس هم يقصدون يغشك او لا ، يعني اذا تبغيه تجاري راح يغشك شوي مني ومناك في زياده الرمل بالاسمنت تقليل كميه الماي اللي ينصب على البلاستر او الخراسانات ، مثلا عندك بناء السور بسعر ارخص نوع الطابوق ارخص الحديد ممكن يقلل عن الخرايط يقلل كميه صب الخراسانات في بعض الاماكن كالسقف والدرج وغيره وبالنسبه للتشطيب بعد خذ انواع واشكال الغش التجاري بيبات تقليد يقول لك هاذي الاصلي

مصطلح شغل تجاري موجود فقط عند المقاولين اما البناء الصحيح فلا يوجد بعلم البناء شي اسمه تجاري للاسف المشكله ان اليومين هاذي ياخذ سعر عالي ويعطيك شغل سيئ الا بعض القليل من الناس اللي يخافون الله

[hamoor4ever]

وين دور الاستشاري الي انا حاطه ؟!!

اجاوبك

اولا ، الاستشاري مب قاعد لهم ليل ونهار يجي لهم في الاسبوعين مره او الاسبوع مره بالكثير يعني فيه شغلات كثيره تمر عليه وهو مايدري

بعدين ، البعض واكرر البعض اللي ماعندهم ضمير ياخذ مبالغ نضير صمته على بعض الشغلات في الشغل

ثالثا ، الاستشاري مجرد دور اشرافي له يعني لاتظن ان البيت بيكون حلاله وبيهتم فيه بشكل كبير كله خمس دقايق يجي لهم يقول لهم كلمتين ويمشي

رابعا ، رغم ان الاستشاري لن يمنع كل عمليات الغش اللي قد تمر عليه من دون مايلاحظها الا ان دوره ضروري وهام

وشكرا

[msd313]

مافيه شي اسمه تجاري او سكني بس هم يقصدون يغشك او لا ، يعني اذا تبغيه تجاري راح يغشك شوي مني ومناك في زياده الرمل بالاسمنت تقليل كميه الماي اللي ينصب على البلاستر او الخراسانات ، مثلا عندك بناء السور بسعر ارخص نوع الطابوق ارخص الحديد ممكن يقلل عن الخرايط يقلل كميه صب الخراسانات في بعض الاماكن كالسقف والدرج وغيره وبالنسبه للتشطيب بعد خذ انواع واشكال الغش التجاري بيبات تقليد يقول لك هاذي الاصلي

مصطلح شغل تجاري موجود فقط عند المقاولين اما البناء الصحيح فلا يوجد بعلم البناء شي اسمه تجاري للاسف المشكله ان اليومين هاذي ياخذ سعر عالي ويعطيك شغل سيئ الا بعض القليل من الناس اللي يخافون الله

جيد وهذا اللي كنت انتظر الشخص اللي عرض العرض ويقول تجاري او سكني
لان هذا المعروف، ان التجاري شغل مش حالك وخربطه وعقب شهرين كل شي خربان في البيت
وهذا هو الغش بعينه طبعا واللي يخاف ربه عمره ما يشتغل هالشغله حتى لو طلب منه راعي البيت يشتغل بهالطريقه.

والله المستعان

[بوعليان]

اجاوبك

اولا ، الاستشاري مب قاعد لهم ليل ونهار يجي لهم في الاسبوعين مره او الاسبوع مره بالكثير يعني فيه شغلات كثيره تمر عليه وهو مايدري

بعدين ، البعض واكرر البعض اللي ماعندهم ضمير ياخذ مبالغ نضير صمته على بعض الشغلات في الشغل

ثالثا ، الاستشاري مجرد دور اشرافي له يعني لاتظن ان البيت بيكون حلاله وبيهتم فيه بشكل كبير كله خمس دقايق يجي لهم يقول لهم كلمتين ويمشي

رابعا ، رغم ان الاستشاري لن يمنع كل عمليات الغش اللي قد تمر عليه من دون مايلاحظها الا ان دوره ضروري وهام

وشكرا

صح لسانك الشيخ هذا اللي لازم الناس تفهمه وشكراااا عالى الرد لاني احيانا اكون مشغول عشان ارد بس انت مو مقصر جزاك الله خيررررررر..............

[عضو نشيط]

ايش الفرق بين التجاري والسكني؟؟

التجاري ... أي حاجه فيه من النوع الرخيص وغير أصلي
أما,,
السكني ... كل شئ وحسابه ... من الزين والأصلي والأجود،،

[ابوفهاد]

أنـــا بنيت والحمد لله ولكن لدي تعقيب من تجربة عشتها :

التكلفة ليست في مواد البناء ولكن في

رسوم الأقامة + رسوم وزارة العمل + التأمين على العامل

تذاكر العامل وسكنه وراتبة والمواصلات من والى الموقع

بالأضافة الى الغرامات التي تحصل من مخالفات للبلدية

تطرأ أثنــــاء العمل ..... الخ

مع كل التوفيق للجميع ،،،

لافض فوك كلامك ذهب

[بوحارب]

تسلم على النصيحة الطيبة

والبنيان حلو ومافيه شي من التعب اللي يتوقعه البعض

لكن يبيله طولة بال شوي وبس

بنيت بيتي وكان الأمور اسسهل من شرب الماي بفضل الله