برنــامج ((( بعنــا وشرينــــــا)))3/4

[roadrunner]

السلام عليكم ...

النزول متوقع وخاصة ان الأكثريه من هل قطر حاطين في بالهم ان اليوم يوم البيع ... واتوقع ان الإرتفاع بيكون من الاسبوع الجاي انشالله ... والله المستعان

[boabdullah]

قطر

مرررررراحب

هذه المشكلة اللي تواجهنا أو بالذات المساهمين الصغار

مشكلة (((( الخوف ))))

بعدين مادري أنا أحس اليوم مثل كل يوم يعني ماحسيت بدخول أي أجنبي

هذا رأي !!!

بوعبدالله

[نوكيا]

انا عن نفسي من بداية السوق ماتوقعت اشوف كميات قليله من الطلب
قبل دخول الاجنبي كان الوضع اقوى بكثير وتداول قوي
مادري شنو السبب ؟
وانا بعت الصناعات من بداية السوق

إستفسار:: سعر العقارية بيبتدي من كم ؟؟؟؟؟؟؟؟؟؟

[بيـــزات]

كلام سليم يا بو عبدالله

الاجانب توجهوا للشركات القويه... وبحذر وخبره

مثل ماتفضلت اليوم كان نفس الايام الاخرى ولو انه صاحبه نزول طفيف لبعض

الشركات وراح تستمر هاذي الموجه لحين يوم الخميس او بداية الاسبوع الجاي..

انا اليوم اجريت صفقة تعديل على الصناعات بعت النص على 238 ورديت شريتها على 231

وبنشوف الايام الجايه

وموفقين جميعا .. بس هاه !!! الحذر الحذر

[سلطان]

الاسهم القياديه والاسهم اللي عليها ارباح راح تحافظ على اسعارها اما اسهم الخشاش راح تنزل

وانا اتفق مع الاخ بوعبدالله اليوم كان يوم عادي ولم نشعر بوجود الاجانب

[مغروور قطر]

ياجماعه الي حصل اليوم اعتقد ان الاجانب مادخلو طلباتهم للامتصاص حماس السوووق ونزول السوق بأكبر قدر ممكن وتمكنهم من الشراء ولاكن ((( احنا لها لاثار دخانه ))) ونحافظ على عدم عرض الاسهم في الوقت الراهن

[حالي الذوق]

السلام عليكم

الحمد لله اليوم بعت الصناعات بسعر ممتاز وبعت المتحده ورديت شريت الصناعات بسعر ارخص

ق2

وشريت في المصرف وكنت ناوي اشتري في السلام بس ما ادري شلي خلاني ما اشتري مع ان سعره ممتاز للشرا ق12

[مغروور قطر]

حالي الذووق الله يوفقك وتصرف حلو وناجح

[قطر]

بوعبدالله
هلا والله

صغار المستثمرين هم اللي بيخربون السوق من تخوفهم الزائد

وطبيعي مااتحس بدخول الاجانب
لان العالم متوقعه عمليات لم للاسهم بشكل خيالي

وهذا خطأ

اللم ايصير بهدوء

وهنا فن اللعب

من قبل قلت لكم اللي يبي يشتر وينزل السهم
مايحط طلب الشراء ب 15000 الف سهم مثلا مره وحده

لا

ايحط 1000 سهم على السعر الادنى

و1000 ادنى منه

لما ايشوف استقرار على سعر ويكون نازل

يشتري بهدوء

بدل مايحط 15000 الف سهم ويتعزز البائع ويرفع السعر


معاي؟

عندهم فن حلو ويلمون بهدوووء

***
نوكيا

كم سعر المتوسط اخر يوم ؟؟ بقولك كم بتفتح
او بسهوله اخذه واقسمه على 1.05

***

بيزات

ليتك بعت من اول السوق على 247

بس الحمدلله صفقه حلوه

الله ايوفقك
***
مغرور قطر

والله كلامك صحيح يبون يمتصون الحماسه

بس لو الناس ماتبيع واتظل على سعر معين

كان الشراي ماصمد وايد



بوووووووووووووعلي اليافعي وينك اليوم

انتعااااااااش شخبار صفقاتك او انت اترقب مثلنا

قطري اي انت ؟؟؟

[ابوعلي اليافعي]

اليوم اتصلت فالبروكر الساعه 9وخمس دقايق لتنفيذ امر شراء فذكر ان السيستم لا يستطيع تنفيذ اوامر الشراء واستمر الوضع حتى التاسعه والنصف وكان السيستم عطلان في معظم المكاتب اعتقد ان ماحدث اثر نفسيا في المستثمرين عندما راوا اوامر البيع اكبر من الشراء ..نتمنى عدم تكرار ماحصل اليوم خاصه في هذه المرحله الهامه..طبعا اليوم بالنسبه لي كان بعيد عن التوقعات هدوء قاتل اسعار متدنيه تداولات اقل من المعتاد ..اظن الوضع لازال في مرحلة الترقب من جهة الاجانب...وسنرى ماذا سيحدث فالغد..ودمتم


ألله ايسلمك المهمة لم تتم