...ماكذبت أمي عليّ ... يوم قالت ...

[ضوى]

ماكذبت أمي عليّ .. يوم قالت

لاتنام إلا متوضي
وصل .. لله ركعتين
واقرالك لو آيتين
وارفع يديك وتضرع .. بالدعاء
يشرق النور بجبينك
ماتجيك أحلام توحش
وماتقوم الصبح
مهموم .. وحزين


ماكذبت أمي عليّ .. يوم قالت ..


لاتفرط في صلاتك
ولايغرك حب ذاتك
ولايبل الريق مسكر
حتى لو يبست لهاتك
إحرص .. تصلى جماعه
وكل ساعه
راقب الله في حياتك





ماكذبت أمي عليّ .. يوم قالت ..


لاتصير إنسان جارح
إضحك بوجه الجميع
عامل الناس بتسامح
لاتفرط في حقوقك
لاتجامل في النصائح
ولاتثور .. تصير فاضح
وإن لمست عيب صاحب
لاتنافق .. ولاتصارح
وإنتبه من هالنصيحه
لاتصير إنسان غامض
ولاتصير إنسان واضح







ماكذبت أمي عليّ .. يوم قالت ..


إحذر .. أولادك ومالك
لاتجافيهم وتقسى
ولاتبالغ في دلالك
ربهم بالخير .. تربح
وعلم النفس القناعه
وعلم القلب الشجاعه
ولاتغطي العين وتحلم
وتخدع الرآي بخيالك




ماكذبت أمي عليّ .. يوم قالت ..


إنتبه .. لاتبني دارك
قبل ماتختار جارك
وفكر بحق الجيرة
لايحس إنك ظلمته ..
وإلا إنك يوم خنّته ..
ولا تأذيه بعيالك ..




ماكذبت أمي عليّ .. يوم قالت ..

إن وعدتَ وعد .. فاصدق
إحذر تزل بلسانك
أو تقلل يوم شانك
عش عزيز النفس تسلم
حاجتك للناس .. علقم
لاتبين ضعف حالك
أو يغرك زود مالك
ولاتهين إنسان .. تندم


ماكذبت أمي عليّ .. يوم قالت ..




خلك إنسان بكرامه
لاتغرك هالأمور
المناصب
والقصور
فكَّر بيوم القيامه
فكَّر إنك ماأنت خالد
رحلة الدنيا قصيره
تلقى نفسك في سلامه


ماكذبت أمي عليّ .. يوم قالت ..


إحذر تصير البخيل
واحذر تبذر وتطّغى
واحذر تعيش بخسه
أو ذليل
ولاتنام بيوم خالي
لاتنام بدون لاتفعل جميل
تلقى نفسك في معزه
تلقى روحك في شموخ
عش أصيل
ومت أصيل



ماكذبت أمي عليّ .. يوم قالت ..



كل ماسويتْ فيني
أو في أبوك
تبي تشوفه من عيالك
بر فينا تلقى بِرك
ياعسى الله لايضرك
والله الله
لاتلين بضعف تعصر
ولا تقسى بشر تكسر
إصحى .. وإحذر
زوجتك تشكى وتكدر
لاتدقق في خطاها
وإنتبه تكشف غطاها
تسعد بنعمة وفاها
وتلقى منها مايسرك



ماكذبت أمي عليّ .. يوم قالت ..



لاتمل هموم حملك
ولاتظن الناس مثلك
واصنع أمرك من يمينك
لاتدور من يعينك
بين ربعك .. ولاأهلك
لاتعامل باللي تكره
ولا تجارم وإلا تشره

من اروع ماوصلني على الايميل

[Mozanee]

وأروع ما قريت قبل لا أحط راسي وأنام ,,,,

هذي الأم ولا بلاش,,,, نصايح كلها درر وذهب ,,,,

نصايح في حق رب العالمين وفي حق الجار والنفس والزوجة


لاتصير إنسان جارح
إضحك بوجه الجميع
عامل الناس بتسامح
لاتفرط في حقوقك
لاتجامل في النصائح
ولاتثور .. تصير فاضح
وإن لمست عيب صاحب
لاتنافق .. ولاتصارح
وإنتبه من هالنصيحه
لاتصير إنسان غامض
ولاتصير إنسان واضح


هذي وااااايد حبيته ,,,,

وأني وعلى هذا المنبر أعتذر وبشدة اذا زفرت لساني مع أي عضو

ومشكرة يا ضوى ويعطيج العافية

[مشاعل]

اظن مكانها قسم الشعر والخواطر مب هنيه

[هتـان قطر]

نصايح من ذهب..

تسلمين ضوى..وعيدك مبارك

[تحداني]

.. نصائح من ذهب ..


والذهب لا ينقل .. الا كل شئ راقي ..
جملك الله برضاه .. وحفظك من كل مكروه ..




الله يسعدك ان شاء الله دنيا وآخره

[ضوى]

وأني وعلى هذا المنبر أعتذر وبشدة اذا زفرت لساني مع أي عضو

ومشكرة يا ضوى ويعطيج العافية

كل التقدير والتحية لمرورك وتعليقك المييز ياموزاني ، وانا واثقة من هم مثل اشباهك لا يجرحون ولا يزفرون لسانهم ابدا ، فانت درة كملك الله بعقلك ونور دربك اللهم اميييييييييييييين

[ضوى]

نصايح من ذهب..

تسلمين ضوى..وعيدك مبارك

الذهب هو مرورج الرائع

كل عام وانتي بالف خير وسعادة ياهتان لج وحشة اشكبرها بقلبي

[ضوى]

.. نصائح من ذهب ..


والذهب لا ينقل .. الا كل شئ راقي ..
جملك الله برضاه .. وحفظك من كل مكروه ..




الله يسعدك ان شاء الله دنيا وآخره

غاليتي

كم يسعدني مرورك هنا انت الذهب الذي لا يتغير ابدا

جزاك الله خير على دعوتك الطيبة وبارك الله لك في نفسك ومالك واهلك ان شاء الله

[بوخالد911]

يسلموو

للدرر


لا هنتي

[فرحة ايامي]

حزنتيني...؟؟