أنا من أوائل من أستبشروا خيرا بهذه الشركه وفرحت بها ..
لكن للأسف أتوقع أنها تكون أدهى من كيوتل وأخبث منها .. شراكة بدت بخطى غير واثقه في قطر ..
بداية الشركة مزاد على أساس أنه مزاد خيري !! ..
الشركه نتوقع انها تكون منافسه لكيوتل في الأسعار والخدمات .. لكن ماتم الكشف عنه بدايه يخيب الأمال وأن كنا لانستطيع الحكم على الأسعار من الان ..
الأرسال بشهاده غالبيه من أستخدم شبكة فودافون غير جيد أبدا ...
أبراج فودافون شوهت المنظر العام في الدولة .. غير أضرارها على الناس .. وماننسى أحد أبراج فودافون اللذي سقط ..
تم طرح يوم أمس أرقام للمكتتبين الحمد لله لم أكن مكتتبا في فودافون لانها حرام وأن كان يختلف الكثيرون في هذه النقطه ..
لكن الظاهر أن الشركه العزيزه تحسب أن أهل قطر جميعا من أصحاب الملايين ..
حاطين في بالهم ان القطري كل همه في الحياه رقم وبس وبيدفع اللي وراه واللي دونه عشان رقم مميز ..
أسعار الارقام شوي في حقها مرتفعه .. الربع داخلين على طمع جامد جدا ..
أنا أتمنى وأن كنت متأكد أن لاحياه لمن تنادي أن يقاطع القطريين أرقام فودافون المميزه star على قولتهم ..
بعطيكم أمثله على أرقام ما أدري هل السعر نزل بالغلط أو أنها مميزه لهدرجه وتستاهل هالاسعار ..
أنا لبست نظاره عشان أتاكد من السعر مع العلم أني مالبسها ولله الحمد أصلا
7654321 = مليون ريال انا شفت مكتوب رقم 1 وحذاه ست أصفار قلت يمكن هذاك اول المليون ست أصفر يمكن أرتفعت أصفار المليون مع غلاء الأسعار ..
أضغط ع الصوره بتشوفها بحجمها الكامل ..
[IMG][/IMG]
والرقم الثاني 7891011 بـ 750 الف ريال !!
[IMG][/IMG]
حتى وأن كانت متسلسله الأرقام .. هل تستحق هذه المبالغ الخرافيه .. أو أنهم في بالهم أن أهل قطر ماعندهم عقول وبيدفعون .. مافي أحترام يعني ما أستحى اللي محدد هالاسعار ..
باقي الأرقام أسعارها خياليه .. لازم نقاطعهم عشان يسوون نفس أسعار التذاكر لما كانت بـ 2000 وصارت بـ 500
كأني أشوفهم وأهما يحددون الأسعار
يقوله حط مليون هذولا قطريين مايفهمون أهم شي رقم مميز ..
لا ولازم يكون بالفيزا الدفع .. ومب مره حده كل شهر ينخصم مبلغ الأشتراك من الفيزا ...
واذا كنسلت الفيزا يتكنسل الرقم ..
هالكلام ممكن تتصلون لهم وتتأكدون لاني مكلمهم وقالوا لي نفس هالكلام ..
زبدة الكلام المفروض اننا لانرضى بأستغلالنا وأستغفالنا بهالطريقه .. لازم نوقف وقفه وحده ..
فودافون تتخيل نفسها انها المنقذ لنا من ظلم كيوتل واهيا شكلها أخس من كيوتل ..
اهما حاطين في بالهم ان اهل قطر من الفرحه بيتعاملون وياها حتى لو اسعارها غاليه ..
اهيا شركة منافسه المفروض تكون منافسه بالاسعار والخدمات الأرخص والأفضل مش بالأتعس والأغلى ..
والله مساكين القطريين كلن يبي يستغلهم ..
أنا أعتذر من الأداره اذا كان وضع الارقام مخالف .. بس من القهر نزلتها ..
|
رد مع اقتباس
المشاركة الأصلية كتبت بواسطة بو الجوري
