>> فــودافــون والــضــحــك عـــلـــى الــذقـــون !!! <<

[أحلى وسيطه]

وفووووووق كل هاذي بعد مايوظفون قطريين

صدق من قال فوق شينه قوة عينه

[الـقـاسـي]

للأسف فودافون دخلت السوق بضعف و هذا الشي واضح
اعتقد كيوتل راح تفرض نفسها

ان شاء الله تفرض نفسها بس بالعروض العدله والاسعار الزينه ..

خلاص ياكيوتل استحي شوي شبعتي هالسنين نصب واخذ فلوس .. خافوا الله فينا شوي وعطونا عروض حقيقيه عدله ..

[الـقـاسـي]

وفووووووق كل هاذي بعد مايوظفون قطريين

صدق من قال فوق شينه قوة عينه

اي والله ..

[جمال النعيمي]

7654321

متسلسل تسلسل اكيد بـــــ 1,000,000

[الـقـاسـي]

7654321

متسلسل تسلسل اكيد بـــــ 1,000,000

حتى لو متسلسل أخوي جمال .. مايوصل لهدرجه وهالقيمه ..
يعني لو كان في دوله ثانيه الامارات او السعوديه او في بريطانيا اهما كفو بس يحطونه بهالقيمه عادي يسوون مظاهرات واحتجاج ويرفعون عليهم قضايا ..

بس لان نظرتهم للشعب القطري انه غبي ومايفهم .. خلتهم يتجرأون ويحطونه بهالقيمه ..

[ANONYMOUS]

موقعهم سفيه

شتبي فيهم

[بو يوسف1]

ان شاء الله تفرض نفسها بس بالعروض العدله والاسعار الزينه ..

خلاص ياكيوتل استحي شوي شبعتي هالسنين نصب واخذ فلوس .. خافوا الله فينا شوي وعطونا عروض حقيقيه عدله ..

معاك حق اخوي القاسي

مع ان السوق في قطر اصغر من الدول المجاورة ( السعودية - البحرين - الامارات)
لكن هذا الشيء ما يمنع ان كيوتل تنوع منتجاتها وترخص الاسعار لو امكن...
اذكر لما فودافون نزلت البحرين دخلت السوق بقوة و صارت المنافسة بينها و بين بتلكو... لكن بتلكو كلت الجو لأنهم غييروا المنتجات و رخصوها

في الامارات نفس الشي.. المنافسة بين دو و الاتصالات جات في مصلحة الناس..

السعودية حدث و لا حرج، الشركات طرحوا منتجات كثيرة ما تلاقيها في باقي الدول الخليجية..

الدور على كيوتل في التغيير

[Riku3]

اول ماتم الاعلان ان في شركة جديدة بتنزل وانا غاسل يدي منها :] ..

مستحيل احول عن شركة فيها اسم قــــــــــــــطر !! .

صج انهم استغلاليين .. بس على الاقل الخير يرجع للبلاد ^^ .

[مهاجر]

الصراحه انا نفس الشي توقعت انها اسعار تنافس كيوتل

لكن طلعت اسعار خياليه ومبالغ فيها من قلب

يعني شوف اي رقم اربع ارقام متكرره ورى بعض مب اقل من 25,000 ريال


معقوله والله كيوتل ابرك على الاقل الارسال مضمون والاسعار ارخص والرقم اكشخ

[ناصر العمادي]

لو الكل قاطع فودافون وأرقامهم الخياليه والأشتراك بخدماتهم أكيد راح تتغير نظرتهم لنا وراح تنزل الأسعار وراح نشوف تنافس حقيقي بينهم وبين كيوتل وبيكون هذا التنافس لمصلحتنا أن شاء الله ..

خلونا نحسبها بالمنطق ياأخوان ..
الكل يملك خط كيوتل في الوقت الحالي ..
وقليل جدا من الناس اللي يملكون خط فودافون ( أعتقد 1000شخص فقط )
يعني اللي بياخذ خط فودافون بتكون مكالماته غاليه جدا جدا لأنه سيضطر للأتصال بأرقام كيوتل وفي نفس الوقت لو أراد شخص الأتصال به فأنه سيحمله مبالغ كبيره نظير هذا الأتصال ..
يعني لافائده من خط فودافون في الوقت الحالي لمن سيشترك معهم ..
لذلك لو صبرنا كم شهر ستضطر الشركه لمراجعة أسعارها وستنافس كيوتل ونحن المستفيدين في كل الأحوال ..

يعطيك الصحه والعافيه على الموضوع الهام

الله يوفقك وينور دربك ويطول بعمرك ويرضى عليك يارب

كل الشكر والتحيه والتقدير والأحترام مني لك