>> فــودافــون والــضــحــك عـــلـــى الــذقـــون !!! <<

[الـقـاسـي]

شوف يا الغالي

بالنسبه للشركه هي 100% داخله على طمع وحاطه في بالها انه اهل قطر ناس تدفع من غير تفكير

يعني بالعربي شعب(.....) واحنا اكرم علينا هالشي

بس لو انا وانت كل واحد في قطر مافكره في هالارقام الغاليه وخليها عندهم بصير شي ثاني ومثل ما

قلت يمكن يراجعون حساباتهم من اول وجديد

واذا فتحوا مجال لشركه ثانيه يعني راح نشوف تنافس بين الشركتين

والمستفيد الاول هو المشترك لكن للاسف هالشي ما شفناه عدنا

ولو نقارن شركات الاتصالات في الدول المجاوره ما فيها هالنصب ولا الاحتيال اللي صاير عندنا

واحنا مب محتاجين الا نكون مع بعض ونخلي الارقام عندهم وعقب راح ينزلون من اسعارهم

مثل ما صار في التذاكر من 2000 ريال لين 500 ريال

وانت كلامك 100%

بس وين الي بيقاطعون ربعنا كان ماعندهم ارقام من قبل صارو كنهم مفجوعين .. وهذا اللي تبيه فودافون نزلوا كل ارقامهم مره وحده .. شكله بياخذون فلوسنا وفلوس الاكتتاب وبيطيرون ..
عادي كل من بغا ينصب او يسرق جانا في الدوحه ..

[الـقـاسـي]

بعض الارقام فعلا ماتسوي وبعضها معقول
اضن ربما يتم اعادة تسعير لبعض الارقام ولكن عقب شهر 9

ليش يعني بعد شهر 9 شبيصير ..

[الـقـاسـي]

الحمد لله ان بدينا نصحى من غفلتنا مع هل مظاهر وقمنا ننتقد نفسنا وهذي انشا الله بدايه مبشره

وعقبال ما نراجع نفسنا في البذخ الزايد في الاعراس والقرنقعوه اللي حلاتها في بساطتها لكن

تدخلت المظاهروكل ايقول ازود عندي ِِِِِ والمستفيد الاول في كل المناسبات هو التاجر المقيم ونتو اتعرفونهم تءبروني

ان شاء الله انها بدايه صحوه .. ليمتى واحنا كل همنا رقم جوال مميز ورقم سياره مميز وسياره كشخه وثوب كشخه حتى صندوق البريد نبيه مميز ..
حتى الرقم الوظيفي نبيه مميز .. ليمتى متى بنعقل شوي ..

[الـقـاسـي]

والله انا اشوف ننطر اشوي انشوف اخرتها مع هالشركة اما عني انا شخصيا اقول يود مينونك ( كيوتل ) لا يجيك اللي اين منه ( فودافون ) الا اذا طرأ شي جديد وخطتي كالاتي : خط هلا مميز + خط برق بو 512 لين ما تتضح الرؤية

اي احنا فالانتظار بنشوف خدماتها وبنشوف اخرتها وياهم ..

[بوعبدالله2005]

الحمد لله ان بدينا نصحى من غفلتنا مع هل مظاهر وقمنا ننتقد نفسنا وهذي انشا الله بدايه مبشره

وعقبال ما نراجع نفسنا في البذخ الزايد في الاعراس والقرنقعوه اللي حلاتها في بساطتها لكن

تدخلت المظاهروكل ايقول ازود عندي ِِِِِ والمستفيد الاول في كل المناسبات هو التاجر المقيم ونتو اتعرفونهم تءبروني

جزاك الله خير على كلمة قلتها والله كلامك ذهب

[H A S S A N]

بس في ارقام سعرها معقول
مثل xyyyyxz ب5000
راح تقولي في كيوتل ب 2000 صح ؟ بس لازم واسطه

[A bin M]

في ارقام ارفعو سعرها ..!!!!!!!!

[mubarak2000]

ارقامهم صبر عليها بتنزل اصلا من يستعمل خطوطهم

[A bin M]

الارقام سعروها على ماا ظن على سعر المزاد .. هالشكل الواحد يقول مبالغ فيها .

[الـقـاسـي]

بس في ارقام سعرها معقول
مثل xyyyyxz ب5000
راح تقولي في كيوتل ب 2000 صح ؟ بس لازم واسطه

بس ياخوي ماتقارن كيوتل بفودافون .. فودافون توها مالها شهر ومزاد وارقام بهالاسعار الخياليه .. ع الاقل كيوتل اغلى رقم ممكن تاخذه من كيوتل بـ 5000 الاف ريال وارقام خشنه تنباع في فودافون نفسها على 300 الف ..
بتقول لي بالواسطه صحيح بالواسطه بس يعني في امل تاخذ .. اما فودافون جايه على طمع واضح تبي تنهب فلوس اهل قطر ..