مستحقين الارض الحكوميه,, وتغيير القانون

[qatar25]

طبعا هذا موضوع كثر النقاش فيه,,

ولن اتكلم عن الواقع الغريب والعجيب الذي نعيشه بسبب هذا الموضوع

المعروف انه مؤخرا موضوع الارض والقرض صار كله عند الاسكان
اذا بتقدم ماتروح التخطيط العمراني وانما على طول تروح الاسكان

واذا جدك مش مولود في قطرقبل 1932 فانت "قطري نص كم"

سمعت انه هذا القانون راح يتغير والازمه راح تنفرج لانه المتضررين من هذا القانون عدد كبير جدا

فمن لديه خبر يفيدنا,,

هذا هو السؤال الاول
اما السؤال الثاني:
لو انا طلع لي قرض ,, واستفدت منه ,, شريت بيت مثلا

وبعدين انفرجت الازمه وبدأت تتوزع الاراضي,, هل اقدر احصل ارض؟ او بيقولون لي انت خلاص دبرت عمرك مع القرض,, ؟؟؟

رجاءا لو حد في الاسكان او عنده خبره في الموضوع او حد يصير له او يعرفه يشتغل في الاسكان يفيدنا افادكم الله

[hamoor4ever]

الاجابه على السؤال الثاني حسب علمي ، خلاص راحت عليك لانك سبق انك استفدت

[حمود قطر]

طبعا هذا موضوع كثر النقاش فيه,,

ولن اتكلم عن الواقع الغريب والعجيب الذي نعيشه بسبب هذا الموضوع

المعروف انه مؤخرا موضوع الارض والقرض صار كله عند الاسكان
اذا بتقدم ماتروح التخطيط العمراني وانما على طول تروح الاسكان

واذا جدك مش مولود في قطرقبل 1932 فانت "قطري نص كم"

سمعت انه هذا القانون راح يتغير والازمه راح تنفرج لانه المتضررين من هذا القانون عدد كبير جدا

فمن لديه خبر يفيدنا,,

هذا هو السؤال الاول
اما السؤال الثاني:
لو انا طلع لي قرض ,, واستفدت منه ,, شريت بيت مثلا

وبعدين انفرجت الازمه وبدأت تتوزع الاراضي,, هل اقدر احصل ارض؟ او بيقولون لي انت خلاص دبرت عمرك مع القرض,, ؟؟؟

رجاءا لو حد في الاسكان او عنده خبره في الموضوع او حد يصير له او يعرفه يشتغل في الاسكان يفيدنا افادكم الله

بالنسبة للسؤال الأول ..

بديت أشك ان يكون هناك شي في صالح المواطن القطري سواء قبل 1932 او حتى بعده ..

لانه الجماعة ياخذون الأراضي الحلوة وذات المساحات الكبير في أرجاء مدن الدوحة ..

ويسوون فيها مشاريعهم الخاصة وينسبونها للدولة ( مشاريع الديار وبروة ولوسيل ....) ..

واذا على سالفة انه الازمة راح تنفرج .. بإذن الله راح تنفرج على حسب ما سمعت ..

وترى غصبا عنهم .. السالفة فيها حقوق الانسان العالمية ..

[عنابي 2010]

يالربع اتمناء ان الازمه تنفرج علي الكل يا انهم يعطون الكل سواسيه مب يعطون ناس وناس.. اعرف واحد ابوه خذ ارض وبييت ولين يا دوره عطوه قرض بدون ارض من يفسرلي

[qatar25]

يالربع اتمناء ان الازمه تنفرج علي الكل يا انهم يعطون الكل سواسيه مب يعطون ناس وناس.. اعرف واحد ابوه خذ ارض وبييت ولين يا دوره عطوه قرض بدون ارض من يفسرلي

انا نفس الحاله
ابوي خذ ارض وقرض وعيال عمي وعيال عمتي نفس الشي
ولما جا دوري قالو لي ماتستحق الارض؟؟؟؟؟؟؟؟؟؟؟


ربك على الظالم

[حورية]

السلام عليكم
عندي سؤال على هذا الموضوع واذا الواحد عنده ارض وقيمتها اربع ملايين ورهنها حق بنك التنمية والحكومة وخذ القرض هل بعوضونه بقيمة الارض 800000 مثل ما قالو على القانون الجديد او بعد راحت عليه

[عنابي 2010]

الاي اعرف يالشيخ الارض مرهونه لين تخلص الاقصاد تستحق قرض فقط ومايعطوك 800 الف والعلم عندالله

[أقرب الناس]

والله شي يحير صراحتا واحد من الربع طرشوا له مسج بس قرض ولما رويته الموضوع في المنتدى بخصوص هالشي انصدم مع انه ابوه عنده ارض وقرض من الحكومه وعمامه بعد بس هو لا بصراحة خلو الرجال يشك في نفسه ف انا نصحته يراجع التخطيط العمراني ويتأكد يمكن عنده ارض وما يدري عنها بس سؤال يطرح نفسه لو عنده قرض وما عنده فلوس يشتري ارض او يشتري بيت اش بيسوي في هالحاله

[أم ريليه]

انا نفس الشي ابوي واخوي من حوالي 6 سنين انا لععععععععععع بس بصراحه لاعت تشبدي من كثر ما اسائل مليت ملولا

[qatar25]

والله شي يحير صراحتا واحد من الربع طرشوا له مسج بس قرض ولما رويته الموضوع في المنتدى بخصوص هالشي انصدم مع انه ابوه عنده ارض وقرض من الحكومه وعمامه بعد بس هو لا بصراحة خلو الرجال يشك في نفسه ف انا نصحته يراجع التخطيط العمراني ويتأكد يمكن عنده ارض وما يدري عنها بس سؤال يطرح نفسه لو عنده قرض وما عنده فلوس يشتري ارض او يشتري بيت اش بيسوي في هالحاله

اخوي,, انا رحت اراجع التخطيط العمراني عشان اتاكد , نفس حال رفيجك,, وجاني الرد انه الموضوع كله صار عند الاسكان وقالي عقب ماشيك في الكمبيوتر,, انه انا مش من المستحقين للارض
قلت له من يقرر هالكلام,, قالي اللجنه,, الي تجتمع