الجزء الثاني . .
وآسف على التأخير . . .
انزلت الطياره على الساعه 7 مساء بتوقيت باريس
وعقب ماطلعنا من المطار .. سلمت على اللي معاي
وقلت لهم ..
see you later , i am not going with you
الشباب اركبو الباص وراحو فندق القطريه
وانا تميت واقف انطر تكسي . .
** نصيحه : طرق الوصول الى الشانز متعدده منها الباص والقطار وسيارات الاجره
في حال تواجد الكثير من الشنط معك استعمل سياره الاجره افضل
وخاصه اذا كنت مع اهلك.ونصيحه ثانيه . . راح تلقى كثير من الناس
داخل المطار يعرضون عليك توصيله مقابل مبلغ معين . . طنش لهم .
دقيقه .. دقيقتين .. 3 . . ربع ساعه . . مافي ولاتكسي مر صوبي
دخلت المطار مره ثانيه وتميت اسأل . . . وييين القى التكاسي ؟
قالولي لازم تروح عند البوابه رقم 10 . . التكاسي ماتوقف الا هناك
قلت حلو .. واروح البوابه . . والقى بدال التكسي 1000 !!
خذت لي واحد منهم . . اول ماركبت قلتله
بووونسوووواااااغ مسيووووو
رد علي . . بونسوااغ .. كيف الحال ؟
كيف الحال .. الاخ طلع عربي . .
قلتله هلا .. ودني فندق الفور سيزن اللي في جورج سانك لو سمحت . .
وييينطلق الى الفندق . .
وهذا موقع الفندق على الخريطه
النجمه = الفندق . . الخط الاحمر = الشانز . . الدائره الحمره = قوس النصر
---
وصلت الفندق بعد حوالي 45 دقيقه . . وطلع الحساب شي و50 يورو
وهذا هو الفندق من الخارج
ماااا اوصفلكم السيارات الخليجيه اللي صااافه بررا الفندق ..
اشكال وألوان ماشاءالله . .
وهذا الفندق من داخل . . الاستقبال
طبعا الشخص اللي واضح في الصوره مب انا . .
المهم . . كان الاستقبال اكثر من رااائع
والفندق اكثر من فخم . . وتقيمي للخدمه فووق الممتاز
والغرفه . . اترك لكم التعليق عليها
وهذه بعض الصور
.
.
.
وهذه صورة الـ " view " من بلكونة الغرفه . .
. . .
حطيت اغراضي . . وخذت لي شاور .. وصليت
ونزلت تعشيت في مطعم الديوان اللي يقع امام الفندق
وهذه صورة الفندق من امام المطعم
وكنت ناوي اطلع اتمشى لكن كنت تعبان شوي من الرحله
لاني كنت مواصل وصارلي بالضبط 30 ساعه من غير نوم
رجعت الغرفه .. نمت احلا نووومه
وقمت الصبح . . فطرت في الفندق ورحت الشانزليزيه . .
** ملاحظه:
الحمدلله من حظي كان الجو في شهر 8 في الفتره اللي انا كنت موجود فيها
اكثثثر من رااااائع الحراره ماتتعدى 22 وماتنزل عن 18 يعني شي عجيب
الشانز طبعا يمتد من قوس النصر
اللي هو هذا
.
.
الى المسله المصريه في ساحة الكونكورد
قررت اني اروح قوس النصر اول شي . .
طول عمري اشوفه من بعيد . . قلت لازم اقرب هالمره
وقربت منه وصورت . .
اسماء جنود شاركو في حرب من الحروب مع نابليون اذا ماخاب ضني
.
قبر لشخص ما تحت القوس على طول .. حاولت اعرف من لكن ماقدرت
.
صوره للقوس من الاسفل .. " بسوي نفسي فنان يعني "
.
الصراحه . .البرج يبهرك ويخليك تتأمل في حجمه الكبيير
وفي الأشكال المنحوته فيه
بعد ماصورت . . اشوف ناس واقفين فوووق يصورون
قلت واللله ماامشي قبل لا اركب واخذلي كم صوره من فوق
شفت درج يوديك فوق .. وجنبه لفت
طبعا كالعاده . . قلت شيركبني الدرج واللفت موجود
لكن للأسف طلع اللفت للصغار والناس اللي على كراسي متحركه
اضطريت اني اركب الدرج .. والللله لااا يوريكم
شوفو شكل الدرج بعد ماركبته ووصلت فوووق
هلكت .. اطلعت روحي وانا اركب . . اللياقه الله بالخيييير
واخيرا وصلت فووق
. .
وياسلااام على باريس من فوق قوس النصر . .
منظر يطل على الشانز من فوق القوس .. ويبين متحف اللوفر في اخر الصوره
.
منظر لمنظقة اللاديفانس
.
برج ايفل
.
.
..... يتبع