كبــــوة حصـــان
:::,,,كبوة حصان:::,,,,
لاعاد تنشد ما بقى عندي علوم
كل العلوم المبطيات تخبرها
ما جيتك اشكي ميلة الوقت مزحوم
نفسي ليا ضاق المدى ما اخسرها
يا صاحبي كنت امس محشوم
و اليوم هج بجيتك و اختصرها
خلك بعيد ابعد من العام لليوم
و ادنى من احلام النجوم و قمرها
بعض الكلام اللي تحليه مسموم
و ما كل كف صافحتك تغدرها
كم طيب ساقته الاقدر لرخوم
و يا كثر ناس تنخدع في صورها
و الحر ما يشره على خنعة البوم
الله رفع شانه و وطا قدرها
لو جيتني كنك على الوجه ملطوم
بعض الخطايا عذرها ما غفرها
عندي تساوت هرجة العذر و اللوم
هذيك ما ابغاها و ذيك احتقرها
زله و عدت ما حدتني عن النوم
مرت سلام و بعد الله كدرها
انا اعتبرها كبوة حصان و يقوم
و انت اعتبرها زي ما تعتبرها
الشاعر :مساعد الرشيدي
|
المشاركة الأصلية كتبت بواسطة ريم قطر
