+ أرحمونا ياإدراة المرور .. أهل قطر .. والله أحترقوا +

[Bu-Khalid]

انه اذا قعدت داخل سيارتي والله انشوي من الحر

سيارتي لونها أسود وجلد اسود يعني أتبخر داخل

ليش المرور مايسمحون للعازل فوق ال20%او 20 علما ان السيارات اللي

مركبه عازل حتى مايطوفون في الفحص الفني ..

[غلا أبوووي]

مخفي كامل ممنوع

بس لو 50 على قوله الشباب في من شهر 5 الى 10

واللي بعد هالشهر ما يشل المخفي يتغرم

والله فكره حلوة

بس انا سيارتي كلها مخفي

الله يخلي الواسطه يا خوي

احترامي

[بوعلي-Qtr]

لهالدرجة حر ؟؟

انتي عايشة في قطر ؟؟

تطلعين برع الساعه 2 او 1 ونص .. ؟؟

[بوعلي-Qtr]

مخفي كامل ممنوع

بس لو 50 على قوله الشباب في من شهر 5 الى 10

واللي بعد هالشهر ما يشل المخفي يتغرم

والله فكره حلوة

بس انا سيارتي كلها مخفي

الله يخلي الواسطه يا خوي

احترامي

الكلام اللي قلته غير صحيح ..
العالم تنحجز مواتره علشان 30 % او اقل .. وانت تقول 50 % مسموح ..

[المزن الرياني]

اليوم طلعت من الدوام تقريباً 12:45 الظهر
ورغم أن سيارتي بباركنج مظلل ,, بس والله يوم شفت درجه الحراره الخارجيه 51 ماأستوعبت

على بالي في خلل بالشاشه
بس يوم شفت الاعضاء اللحين ,, صدقت أن الحراره وصلت لفوق 50


الله يعينا ,, هذا وانا للحين مادخلنا شهر 6

[HEART_LION]

خلك من لمخفي بنقول ممنوع عشان اللون

نبي العازل الحين ليش ممنوع؟

[متفاءل]

يقول لك نخاف ان اللي يحط مخفي كامل يسوي افعال مشينه داخل السيارة

هههههههههههههههههه

الناس قامت تروح الفنادق وصارت عندها شقق لهالسوالف

والجماعه يقولون افعال مشينه بالسيارة

[الحـ قطر ــب]

يقول لك نخاف ان اللي يحط مخفي كامل يسوي افعال مشينه داخل السيارة

هههههههههههههههههه

الناس قامت تروح الفنادق وصارت عندها شقق لهالسوالف

والجماعه يقولون افعال مشينه بالسيارة

لا تعليق
بس للحين في ناس في السياره بس لاتخبر احد وانا بنفسي شايف واحد ذاك اليوم ياكل شورما عند البحر حتى بعد ماشفته رحت شريتلي شورما واحد دياي والثاني لحم
استغفر الله خربتنا والله

[][الجوكر][]

خلوها على الله بس !!!

ولا حياه لمن تنادي !!

[خيال شمر]

ياشباب وبنات وش رايكم موقع الداخليه ندخله ونكتب كلنا اقتراح السماح للعازل ونتفق انه يكون 20 % مانبي نطمع 20% زين ترى

يله وهذا الموقع مالهم

http://www.moi.gov.qa/site/Arabic/index.html


وراح تلاقون مكان الاقتراحات في البار على اليسار

مع الشكر

هاي رسالتي لهم

السلام عليكم ورحمة الله وبركاته
السيد مدير إدارة المرور ... المحترم

(( الرجاء من سيادتكم التكرم بالسماح لنا بوضع عازل حراري 20% فقط حيث أنه نحن في بداية الصيف والحرارة تصل إلى 51 وقت الظهيره ويكون القرار فقط في فترة الصيف .... ونود ان نشكر سيادتكم على الجهود الجبارة في الحفاظ على الامن في الطرقات ))

وتقبلوا فائق التحية والاحترام