عطونا تجاربكم حول الرقاة في قطر

[سياتل]

كان فيه شيخ يمني فاضل الله يجزاه خير

اعرف شكثر ناس تشافوا على يده بعد الله سبحانه وتعالى

وفي النهايه هو سبب

بس يده فيها بركه

الشيخ أختفى ومادري وين راح

اللي يعرف عنه شي ياليت يفيدنا

[لوردغاليري]

اذا تقصد بوحمزة الي كان ف السيليه موجود ف السعوديه

[خوي الشوق]

في واحد من المشايخ بيوصل قريب ومتمكن اليوم او بكره

[ابوالعز]

فيه ناس يطلبون المرفين على الخاص
ليش ماينحط رقمه عشان الكل يستفيد
ولا ليه ينكتب الموضوع اذا مافيه فائده عامه

[علي الكبيسي]

في مجموعة ارقام متداولة من قبل وزارة الأوقاف
لكن للاسف وبعد تجربتي لهم طلع ولا واحد منهم صادق وفيه خير
كل واحد منهم يعشمنا انه بيجينا العصر او المغرب
ويمر الوقت واليوم والاسبوع ولا يجون
الله يسامحهم هذا وهم حافظين القرآن وبعد (يكذبون)

[الريبال]

ماقصر الشيخ نذير الخربه ...

اتصلت فيه مره وقلت له بغيت غرشتين ماء من الكبار مقري فيهم ( الرقيه الشرعيه )

رحت له لي البيت واستلمتهم وحبيت احاسبه عليهم والله ماخذ مني ريال بالرغم من اصراري ...!


يزاهـ الله 1000 خير ... ^-^

الشيخ نذير جزاه الله خير

جيته بالولد عمره سنتين كان كل ليلة الساعة 11 يصحى من النوم ويتم يبكي ويرافس لين الساعة 1 ولا ثنتين ... بعد ماتكررت معه الحالة .. سألت ومدحوا لي كذا واحد بس اللي قدرت اوصل له ذاك اليوم الشيخ نذير
جيته ولا قصّر قرى على الولد والحمدلله والمنة بفضل من الله وثم قراية الشيخ مارجعت له الحالة وتم ينام كل ليلة قرير العين

والله يشفي مريضكم

[~ نســـايم ~]

الشيخ نذير بارك الله فيه انصح به

[سهم داق]

جزاك الله خير يخوي ..... والله اعرفهم وعرف حركاتهم وطلباتهم
بس وش يفكك من شره بعدين

واحد من الشباب دخل مع والدته وفيها مس
والله بهدلهم وطلع عيونهم وجردهم صح
وحتى يوم بلغوا عنة وابعدوه ما فتكوا من شرة
فعلى الشخص التاكد قبل الدخول عليهم
شكراً الغالي

استغفر الله أخوي

خلّ يقينك على الله

واللي بيفك منه بعد الله هو

التزام بالصلوات الخمس في جماعة المسجد - أذكار الصباح والمساء - قرأة سورة البقر كل يوم أربعين صباح ... وحطذ في بالك هذا بشر لا يملك لا ضرّ ولا نفع وأنما بأمر الله سبحانة

الله يهديك أخوي

استغفر ربك

[شموخ وبس]

الله المستعان في منهم يستغلون الفرصه عشان يتلمسون في الحريم وانصح ان النساء ماتروح الا عند وحده درءا للمفاتن والفساد