هلا حبيبتي توي جايه من جده والمولات فيها كثيرة ومتنوعه00
وممكن افيدج باللي مريت عليه وشفته 00
عندج يا محفوظة السلامة 00مولات كبيرة وجديدة مثل
1- مجمع العرب وهذا اكبر مول بجده وجديد وبتلقين اغلب الماركات فيه ومتنوع
2- ريد سي مول00 بعد جديد وبضاعته متنوعه والفساتين على ذوقج والاسعار خيااال مقارنة بالدوحة طبعا
3- عزيز مول نفس الشي متنوع للكبار والصغار والفساتين كذلك رووووعه
4- سلطان مول متنوع وحلو
5- مركز الحفني نفس نظام سوق الجبر عندنا بالدوحة فيه انواع الفساتين والعبايات
وكل شي يخص المناسبات والاعراس واسعارهم بعد معقوله وحلوة
6- حراء الدولي وحراء افينيو بعد عندهم شغلات لليهال وللكبار
7- سوق جمجوم عنده بعد شغلات بس ما مريته هالمرة
8- وعندج اسواق التحلية مجموعة محلات مع بعض يعني يبيله مشي
وفيه عندهم بنفس المكان شارع للماركات العالمية من شانيل قوتشي ديور 0000الخ
وفي مولات كثيرة بعد بس ما مريتهم ما كفى الوقت
الصيرفي مول - الاندلس مول - روشان مول - الصواري مول - اويسيس مول - نجود مول000
وفي اسواق رخيصة وشعبية حق الصوغه مثل البوادي يعني شغلات بالجملة وبكيمات كبيرة
ملابس وعبايات وذهب وشنط واغلبها صناعة صينية شخصيا ما عجبني بس مري شوفيه
وفيه سوق شرق انا ماشفته بصراحة بس يقولون عنده شغلات حلوة وهو سوق شعبي
المجمعات في جده كثيرة عدي وغلطي بس يبيلها وقت
غمضي وفتحي تلقين مجمع جديد00
ومثلج عارف بعض المحلات الظهر تكون مسكرة واوقات الصلاة يعني انسب وقت الفترة المسائية00
تاخذين راحتج اكثر بالشوبينغ
اتمنى خدمتج ولو بشي قليل 00 وان شاء الله باقي الاعضاء ما راح يقصرون معاج
وتروحين وتردين بالسلامة الغالية،،
والله يبلغج رمضان00 والعيـــد عليـــج مبــــارك مقدما
تحياتي الشيخة