-
كـــلـــهـــا ســـا عــتـــيـــن
ألا انت سولف لي عن احوالك وخل عنك القصيد
يعني وش اللي في غيابـك راح اقولـه واكتبـه ؟
شعري .. على حطة يدك !! في غيبتك ما من جديد
البيت من قبل اكتبـه .. افكـر انـي اشطبـه !!!
دامـك تعـرف ان الشعـر لا يقنعـك ولا يفـيـد
استوعب حضوري ! وهـو انسـآآه لا تستوعبـه!
ركـز معـي .. الله يرضالـي عليـك ولا تـزيـد
الهـم هـم .. وعدّنـي ضيـف ٍ نويـت توّجبـه
ما ابيك من بعد الجفـا ترجـع لـي بقلـب ٍ بليـد
حسسني بشوقك ! ودمعك مـن عيونـك اسكبـه !
ضيّعني بشهقة بكاك .. وجيب فيني ألـف عيـد !!
بحكيّـك اللـي حافظـه ولا عـرفـت ترتـبـه !!
هـي كلهـا هالساعتيـن وعقبهـا ببقـى وحيـد
لا تشح بشعورك علـي ّ ولا اتمـادى !! وانتبـه :
لا شفتني سجيت ( عنك / فيك ) جوّدني من ( إيـد
قلبـي ) ووصلنـي لقلبـك برضـاه او اغصـبـه
هذه سنه ! ان ما سكنت القلب ! مسكنك الوريـد !
ونفس السنه مرت ! وحقي فيـك ضايـع واطلبـه
يـا آدمـي مـدام نظراتـك باحاسيسـي تشيـيـد
لا تترك ( اسألتي ) تموت ولا لقت بك ( أجوبـه )
ليه انت راضي بالعناد ؟ وبالرضى تصبح عنيـد ؟
ليه اتساهل بالجفـا ؟ ليـه الوصـل تستصعبـه ؟
وليه اتمنى الموت في بعدك واحـس انـه بعيـد ؟
وليه اشعر ان الموت في لحظة وصولك ما اقربه ؟
وليه اعتبر نفسي إذا ذبحني شوقي لـك شهيـد ؟
ولا انت حتى الشـوق لا ردك علـيّ تستغربـه !!
جاوب وريحني !! أو انسى كل شي .. ولا تعيـد :
سؤالك عن شعر ٍ شطبتـه مـن قبـل لا أكتبـه !!
لشاعر المبدع محمد جارالله السهلي
-
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
