لبنان ولا النمسا؟ افيدوني افادكم الله.....

[hamoor4ever]

ونسيت اقول لك اذا بتروح النمسا حاسب من النصب في الملاهي ، والله بصراحه انا يوم رحت النمسا انصدمت كأنك بمصر ووايد فيها عرب وبصراحه اللي يبي يسافر يبي يستانس ومايبغي نصب او انه يشوف عرب وايد انا نصيحتي تروح ميونخ جو احلى ومكان انضف بوايد وطبيعه وتقدر اتمر على زلمسي وسالزبورغ وانت ماشي على فينا اذا انت مصر انك تشوفها ، اما اذا اتحب التمشي والقعدات والناس عندك باريس ولا اروع بعد لكنها اغلاهم ، بس مثل مافهمت اذا انتو شباب عليكم في لبنان احسن من فيينا بكثير وارخص ووناسه وطلعات وقعدات وناس محترمه وبالتوفيق

[درب الساعي]

بصراحة أكثر بلد أكرها النمسا بلد مافيها شي حتى سوبر ماركت ما تحصل وغرف الفنادق صغيرة ومملة وفي اليل ماتعرف وين اطق براسك الساعة 7كلشي مسكر ملل وضيقة . والكل جالس في الوبي مال الفنادق من الملل.

ولبنـــــان غيير كل شي فيها حلــــــــــــــــــــــو طبيعة وسياحة وفنادق ومطاعم وحياة غييييييير عن النمسا


أنصحك اتروح لبنــــــــــــــــــــان

[السنافية]

تبي الاستشارة باعطيك استشارتي جربت النمسا ولبنان
وانصحك بلبنان على الاقل عرب ووناسة وطبيعة واكل حلال وجو ولا اروع
اما النمسا كئابة وكلها عرب وغاليه وضيقة خلق ولا فيها وناسه ولا شي
ومن يحل الظلام الزم الفندق لا روحه ولا جية عكس لبنان كلها فرفشة بالليل والنهار
ولك القرار

[ALKASER]

جزاكم الله خير على الردود وحده افضل من الثانية

وشكلي بروح بنصيحتكم وبتوكل لبنان ان شاء الله

دمتم بحفظ الرحمن ورعايته

والسلام ختام

[J & N]

فينـــــــــــــــا احلى من لبنان بواجد

روح فينا -------> زلمسي ---------> ميونخ

بتستانس وناسه لاراحت ولاجات

ااااااااااه ابي اروح معاكم

[سحر الليالي]

انا اشوف النمسا حلووة...احلا من لبنان في نظري مع اني مارحت لبنان

ومن رايي تروح ميونيخ ومنها الى سالزيبورغ ومنها الى زيلامسي ((طبيعتها خيال)) وتفعد في كل منطقه كم ليله ع حسب ميزانيتكم

طبعا المسافه ماتتعدى ساعتين الى ساعه ونصف.بين هالمناطق وجوها روعه في الصيف
وبالنسبه للسكن اشوف انكم تحجزون من مواقع النت افضل وترخص من المكانب السياحيه...

ولكم الخياااار

[لمسات نيره]

طبعا لبنان

[الوفي]

أخوي أنا سافرت لبنان والنمســــــــا......
لبنان حلوة......بس النمسا أحلى بوايد.....
لبنان أكلها حلو بس غالي...بس النمسا يعني ودبل لبنان...
الجو ببيروت حر البراد بالجبال فوق يعني بالريف و
السياحة بلبنان مملة كله جبال وتلفريكات ومغارتين وسيارات ومباني قديمة وزحمة خاصة ببيروت مثل السوليدير والسوق غالي مايسوى........وبس يشوفونك خليجي تزيد كلمات تكرم عينك...وانت فاهم
اما السياحة بالنمسا...أول شي رحلة مغامرة لشخصين بتكون ممتعة...
والجو بفينا بريد مع لسعة شمس...لكن سالزبورغ..وخاصة زلامسي برد والجبال ثلج شتاء السنة الي ماذاب.....طبيعة خضراء صح+انهار+شلالات+غزلان
ومباني اوربيه اول مرة تتعايشها تحس بالسياحة وناس تتعامل معاهم جدد.....ميترو تستخدمه...قطارات سريعة توديك من بلد لبلد.....
أنا أنصحك تروح ......اولا المانيا بميونخ يعني الجدول كالتالي:
دوحة - ميونخ - فينا - دوحة
يعني بتنزل بميونخ عليك بالفندق الي يم الساحة......انا سكنت بالماريوت وكنت اروح الساحة بالميترو
وبعدين شد لسالزبزوغ بالقطار درجة اولى ....وبعدين زلامسي وكثر بالقعدة فيها لانها احلى شي وعليك بفندق الغراند....وبعدين شد بفينا بالقطار ولاطول فيها لانها مملة بس خلها النقطة الاخيرة علشان المطار والتسوق بشارع مارينا يكون عندهم تنزيلات وتصلح للهدايا..
(((((بس ياخوي خايف عليك من افلونزا الخنازير بالنمسا وبلبنان بعد لان الامراض تنتشر باماكن السياحة))).....
بالنسبة للحجز عليك بسفريات السد الي مقابل عش البلبل الي بالسد.....ترتيبهم عجيب واسعارهم جيدة
على فكرة السفرة اذا اسبوعين تكلفتها تقريبا 15000 ريال اذا صرفيتك اكل وشرب وتمشي وميترو وقطار وشويات تشري نفس الجدول الي حطيته لك ...طبعا هذا من غير التذكرة والسكن وخل الفيزا فيها حول الخمسة الاف ريال يعني الصرفيه للشخص باليوم 200 يورو...

[ابو خليفه]

لاتقارن بلاد اوروبيه ببلاد اسيويه طبعا النمسا احلى بكثير ولك الخيار

[ام لولوه]

النمسا بدووووووووووون اي نقاش
مافي اي مقارنه بينهم
ففي حد يختار لبنان على النمسا
النمسا طبيعه وبراد ونظاااااااااااااااااافه وشوبينق وسعة صدر مو طبيعيه
وتقدرين تروحين زلامسي وسالسبرغ بالقطار ومسافه ماتيي ساعتين بالقطار
ام لبنان انووووووووواع بطت الجبد حر ونصب وززززززززحمه وناس غاويه مشاكل
وبعدين حبيبتي الحين الي بتدفعين بفينا بتدفعينه دبلاااااااات بالبنان

يازين فينا بس من احلى الدول الي زرتها

مايصير اروح معاكم هههههههههههههههههههههه