السلام عليكم .... كلكم عارفين انتشار انفلونزا الخنازير والواحد يخاف يروح صوب الوباء... عموما قررت اروح صلالة فبغيت من الي سافروا من قبل يعطزني تقرير مفصل من ناحبة الفنادق وهل اقدر اجر سيارة او تاكسي وكم يوم اقعد هناك..
السلام عليكم .... كلكم عارفين انتشار انفلونزا الخنازير والواحد يخاف يروح صوب الوباء... عموما قررت اروح صلالة فبغيت من الي سافروا من قبل يعطزني تقرير مفصل من ناحبة الفنادق وهل اقدر اجر سيارة او تاكسي وكم يوم اقعد هناك..
زرت صلاله سنة 2007
الفنادق ارشح لك الهملتون ...طبعا هذا الي سكنته ..فندق 3 نجوم به مطعم هندي رووعه كان ملاصق لغرفتي خذيت لي غرفتين وحمامين ومطبخ وغرفة طعام كان شرح وكبير وبدون فطور صباحي بس ما كنا نحتاج لان المطعم مثل ما قلت لك ملاصق لغرفتي ...
وللعلم المطبخ كان غير مجهز بتاتا
صلاله ما تستحق اكثر من 6 أيام هذا من وجه نظري
مافيها قعدات ومطاعم حلوه مجرد تمشيه بالسياره فقط
اماكن سياحية متواضعه روح لها وقت مهرجان صلاله احسن
وبالتوفيق
مرحبا اخي العزيز
صلالة جميلة جدا وباذن الله راح تعجبك
بخصوص فنادق الخمس نجوم هناك فندق كراون بلازا وهناك الهيلتون
وبامكانك الحجز عن طريق الموقع التالي http://www.booking.com/city/om/salalah.ar.html
وتقدر تاجر سيارة فهناك الكثير من مكاتب الايجار
وصلالة يكفيها اسبوع او عشرة ايام بالكثير لو عندك عائلة
انا عملي في مسقط بس راسلني وانا حاضر ياللي اقدر اساعدك فيه اخوي
ولجميع الاعضاء من اراد ان يذهب الى صلالة او اي مدينة في عمان وحاب يسال عن اي شي او يحتاج اي ارشاد او مساعدة فانا حاضر وربي يقدرني اكون عند حسن الظن
دمتم بالف ود وحياك الله في بلدك الثاني عمان
احسن شي فصلاله طيبة اهلها ,,,,,,,,,, بصراحه ماقدر اوصفلك لازم تروح وتجرب .
تخيل مره صفيت عند مطعم اسئل شباب قاعدين عن عنوان قام واحد منهم ويترك اكله ويمشي قدامي بسيارته لين وصلني للعنوان .
يوم اجرت الفلا راعي المكتب والله ماخذ مني ولا ريال ولا ضمان جواز او بطاقه . قالي لما تخلص وتنوي تسافر اتصل فيني ووقتها نتحاسب مجرد ثقه .
مره كنت اصلي بالغلط متوجه عكس القبله الا واحد وقف سيارته وينزل منها ويلفني صوب القبله جزاه الله خير.
كلامهم طيب وتعاملهم طيب وفي السوق الشعبي خصوصا .
انصحك تأجر فلل او بيوت العمانيين الي يأجرونها وقت الاجازه على السياح وبتحصل اسعار زينه وفلل نظيفه .
لايفوتك طباخهم وخصوصا اللحم العماني المشوي على الصبان .
اذا نويت تطلع الجبل لاتقرب من الاشجار لان البعوض بياكلك . خلك تحت الجبل او اقعد صوب الحشيش . ولاتنسى تاخذ مرهم مضاد للبعوض .
لاخير في ثوره اشعلها منتحر
نمر بن عدوان
اي والله خاطري اروح انا بعد صلاله لما سمعته من خضــار لكن م .......... حسن