استفسار عن درابزين حدادكو

[*بوحمد]

الي تعالمل مع حدادكو يعطينه رايه
هل تنصحون اتعامل معاه ولا لا

[**قطـــــر**]

إن شاء الله الشباب يفيدونــــــــــكـ

وبالتوفيـــــق

[*بوحمد]

مشكور يالغالي

اتمنى احد يفيدني

[{ابوعبدالله}]

أخوي بوحمد ,انا تعاملت معاهم من سنه تقريبا ركبت باب خارجي و حماية للدرايش و درابزين للسلم الداخلي
و الجماعة صراحة كانو محترميين جدا و مواعيدهم مظبوطه و اعتقد اسعارهم جيدة بس كاسرهم و بيعطونك خصم زين ,اتمنى اكون أفدتك

[*بوحمد]

ابوعبدالله

تسلم على الرد

بس انا قصدي حدادكو الي فالسد
مب درابزين الي عند طوارئ الاطفال

[مهره]

بصراحة انا تعاملت معاهم واييييييييييييييييييييد راققين فى التعامل وبالضبط مثل ماقال اخوى مواعيدهم مضبوطة وكاسرهم بيعطونك سعر ترضي فية انا اقصد حدادكو ( السد)

موفق اخوي

[heavy duty q]

ترى حدادكو ودرابزين مالكهم واحد وصنعهم واحد واسعارهم وحده وتعاملهم راقي نامتعامل معاهم من 4 شهور وشغلهم ماعليه كلام وهذي راي اخوك الصغير heavy duty

[sultanqtr]

تعاملهم جيد ... بس شيك و راهم على صبغ الباب لازم يكون نفس الصورة .... مب يصبغونة كلة ذهبي النقشة
و الخلفية ... و لازم يحطون لك استوبرات للباب لما يفتح يكون لا يضرب فى الطوفة مع الهوا

الشركة زينة و سلموني قبل الموعد الى فى العقد

للعلم فى شركات اخري ارخص و اشوف الابواب الى ركبوها حلوة .... بس ما قد تعاملت معهم

[dream~qa]

حدادكو اللي في السد لازم تتابعهم أنا من شهرين ونص وما خلصو شغلي مع أن مدة العقد 45 يوم

وكل ما اتصلت عليهم يقولون لي احنا مالنا شغل هذا المصنع اللي ما خلص .

واعتقد سبب المشكلة أني وثقت في مواعيدهم وما كنت اتصل بس عقب انتهاء الفترة اصدموني وهذا أنا صار لي اسبوعين وراهم ولا ماعطيني وجه واللي يرد علي اسمه جهاد نفسه في راس خشمه .

[صمتي حزن]

شغله حلوووو بس الأسعار والمعامله ماعرف لاكن بيتنا كله عن طريقهم وشغلهم حلووووو