ياجماعه فزعتكم في الستاير

[الصديق الوفي]

بارك الله في الجميع بغيت ياجماعه حد يشور علي في محل يسوي ستاير ويكون شغله جيد ومعروف
من واقع تجربتكم

ولكم مني خالص الشكر

[مايسوونك]

اخوى رح لشارع الاصمخ

[الحوت-141]

عندك اخوى في شارع الاصمخ محل "سارة ديزاين" رقم التلفون" 4440406" انا مسوي البيت كل من ستائر وتفصيل كراسي . شغل عدل واسعار حلوة .....

[رحال]

سيدار بس غالي شوي !!!

[heavy duty q]

اذا تبغي نصيحتي روح برافو ديزاين شارع سلوى صج هو غالي شوي بس شغله ولا اروووووووووع

[سوق واقف]

لاتروح لا شارع الأصمخ ولا شيء والله العظيم وربي يا خوي فصلت ستاير حق بيتي

الوحده 1300 ريال
تدري أنصدمت يوم رحت السوق الصيني نفس الستارة ونفس القطعه والله العظيم ما أكذب عليك ومنصدم 250 ريال

شوف كم بايق مني روح السوق الصيني خذ القياسات وروح فصل في دبي راح توفر وايد

[غـيـد]

الريمكو

[ولد شرق]

الريمكو
الشرق عند مطعم بيروت القديم
وعندكم الجوهرة عند المجموعه اللي في طريق سلوى جنب محطه التيسير
كلهم من واقع تجربه

[A bin M]

عندك شارع الاصمخ اسعارهم حلووه .. وتونا مركبين منه حق البيت ..

وعندك بعد ركبنا من برافو اللي على طريق سلوى بعد شغله حلو بس شوي غالي

[غيور الدوحة]

المحلات اللي على الشارع صوب الحراج وايد حلوين ويفصلك اي شكل تبيه واي ديزاين
واسعره مناسبة بس لازم تكاسر شوي