يا جماعة أبغي نصيحتكم بالعقارية

[العنابي]

يا جماعة أبغي نصيحتكم, عندي مجموعة من اسهم العقارية والحين ابغي اشتري 95% بقيمة 40 ريال كما هو معروض . السوأل هل ابيع بعض الاسهم من شركات اخرى أو ادبر المبلغ من بنك ( حد يقترح بنك أسلامي حق المبلغ) ؟
المشكله لانه في الطريقة الاولى مثل ما تشوفون السوق في خسوف والخيار الثاني زين بس فيه أجرأات شوي .
حد خذ سلفة من الدولي الاسلامي ؟ كيف تسهيلاتهم ؟

[مغروور قطر]

اخوي العنابي اعتقد المبلغ قليل الاكتتاب ان شاء الله بدبر المبلغ ولا انصحك بخذ سلفه ان شاء الله بيرتفع السوق وبتبيع قبل الاكتتاب عندك شهر ان شاء الله بتحصل الحل وسوق بينتعش قول امين

[العنابي]

ياخوي المبلغ المطلوب فوق 350 ألف ريال

[مغروور قطر]

ماشاء الله عندك كميه كبير من الاسهم مو قليله بس شوف حل اخر اصلح من القرض من لبنك

[roadrunner]

ياخوي المبلغ المطلوب فوق 350 ألف ريال

اخوي العنابي .... انصحك بالإنتضار ... وخصوصا جدامك لين تاريخ 4/5/2005 .. يعني شهر ... فأتوقع على اخر الأسبوع الجاي بيعتدل السوق ... لا تتسرع وتبيع اي شي الحين.. والله يوفقك انشالله

[العنابي]

أنا معاكم يا أخوان بس الواحد لازم يدرس كل الاحتمالات يعني لاسمح الله لو السوق تم على هالحال لين الصيف مشكله , لازم أدبر المبلغ بعدين أنا أقصد التدبير من بنك أسلامي مثل رهن أو اي طريقة شرعية أخرى . أنا ضد فكرة الربا أصلاً

[المراقب]

لين الصيف؟ تصبح الأسعار كلها ريال!!!

أخوي لا بد من صعود قريب ولا سيما مع ناقلات.

[العنابي]

يا جماعة للحين محد عطاني نصيحة منطقية

[Dana]

انا رحت اليوم باشتري قالوا لي لازم في بنك قطر ومب في فرع السيدات وماعندي احد يروح شاسوي
استحي ادخل البنك ...
طرشت الدريول يشوف قال له كله رجاجييل فيه وحده جالسه بس عندها رجاجييل
...معقوله مايصير فرع السيدات(

[سهم عتيج]

بالنسبة لطريقة التمويل,, فعندك حلين,, الأول وهو بيع جزء من أسهمك حتى تحصل على مبلغ الاكتتاب,, والثاني انك ترهن جزء من أسهمك الحالية لدى بنك قطر الدولي الاسلامي وتحصل على المبلغ المطلوب للاكتتاب..