مبغيت مساعدتكم بخصوص فيينا وميونخ

[نشميّه]

اخختي تروحين وترجعين بالسلامه ..
انصحج بـ 6 ايام ميونخ و يومين زلامسي .. واسبوع في فيينا ..

فنادق

ميونخ : ميريديان ميونخ .. تطلعين منه وتمشين سيده الا انتي في وسط الساحه المارين بلاتز
حولج كل شي الفندق مكانه ممتاز وغرفه حلوه .. قدامج محطة الهابتبنهوف فيها كل شي
سوبرماركت مطاعم وكل شي .. وحذاج كل شي تخلينه وتحتاجينه ..
طبعا في فنادق ثانيه بس انصحج بالميريديان او سوفتيل مقابله ..
وطبعا لو تحبين الماركات والتسوق تروحين الماكسميليان ستريت
تلقين فيه كل شي .. وفيه فندق الكمبنسكي حلو بس مكانه بعيد شوي عن التجمع

أما

زلامسي : اسكني في فندق جراند .. قعدته فليل روووووووووعه .. الجو عجيب ..
وتشربين ذاك الكبتشينو الرهيب .. وتستاهل يومين لاتكثرين .. لانه مافيها شي
الا مناظر طبيعيه والالعاب حق اليهال .. تبين تغيرين اخذوا سواق محترف وروحوا فوق الجبل
3 كيلو فوق الأرض .. صج مغامره حلوه وفي قهوه في القمه .

فيينا : عندج احلى مكان .. فيه وايد اماكن .. الماريا هلفر ستراشا ( شارع ماريا ) للتسوق
والكيرتنر ( شارع المشاه الرئيسي ) فيه كل شي من قهاوي وتسوق ومكان يفتح النفس
كبير وونيس .. عندج البراتر ( الملاهي ) وناااااااااسه وقريبه .. ومحطات القطار سهله
وشتاد بارك ( الحديقه فيها ساحات العاب وبحيره ) ووايد اماكن
والبلاد أمان جداً ومن أكثر البلدان اللي ارتاح لها واحبها وسنين نروح ولانتملل .. عندج الفنادق
ماريوت فيينا .. وساس .. والهلتون .. وشقق الـ ( سنجر ) روعه ومرتبه وقريبه من شارع المشاه
تستاهل اسبوع لانكم بتستانسون فيها .. وتقدورون تزورون وايد اماكن ..

اسمحيلي اذا كان الكلام على بعض واي مساعده انا موجوده

[شعنونة قطر]

بالنسبه لفينا خذي غراند هوتيل قريب من شاارع المشاه ونظيف ومرتب وراقي


وزيلامسي نفس الشي خذي جراند المطل على البحيره

اطول مده خليها زيلامسي

وفينا نفس ميونخ تكفيها 3 ايام