اللي يبي تصميم فيلا يتفضل هنا ( للمقبلين على البنيان )
السلام عليكم ورحمه الله وبركاته
الموضوع باختصار مهم لكل من هو مقدم على بناء بيت العمر او بيت للاستثمار او بيت للأيجار <<< زين الأستثمار والأيجار نفس الشي
فــ عندما يبدأ فلان من الناس في مشروع البناء اول شي يفكر فيه كيف اسوي تصميم حلو
فــ يسأل علي وعلي ماعنده اي خبره في البنيان كللللللش
وبعدين يروح حق حسينوه وحسين اخس من علوي في البنيان
وأذا كان متزوج يسأل ام العيال يا مرة وش رايج اشلون اسوي بيت العمر
والأجابة بتكون وانه وش عرفني انه الريال ولا انت
اااااااااخر شي يروح المسكين الى اي مكتب تصميم ويقول للمهندس عطني تصاميم ابي اختار منها لبيتي!!! ( اكبر غلطه )
طبعا بعض المهندسين في هذي الحالة راح يعطيه اسخف تصميم عشان ما يتعب نفسه في رسم الخرايط وووو الخ
الكلام كثير بحاول اختصر لكم
اللي دعاني اكتب هالموضوع شي لاحظته انه بنفسي في الفلل اللي دخلتها
for example: ارض مساحتها 450 م مبني عليها فيلا فيها 7 غرف نوم
وفي المقابل أرض مساحتها 1200 م مبني عليها فيلا فيها 5 غرف نوم
طبعا اكيد هالشي مايدخل العقل ولا في الخيال بعد,, لكن انه بنفسي شفت هالشي يا اخوان
وحزنت على صاحب الأرض بو 1200 م انه ماعرف كيف يستغل هالمساحة في توزيع الغرف وملحقاتها بالطريقة المناسبة
وقلت في نفسي اشكر فنه راعي الأرض بو 450 م كيف عرف يستغل المساحة عدل
لازال الكلام كثير وكثير ولكن انه بوقف لهذي النقطة وبدخل في صلب الموضوع <<< انت للحين مادخل في صلب الموضوع؟
احط لكم هذا الموضوع وبيكون عن تبادل الخبرات في انتقاء افضل التصاميم الهندسية للفلل
واللي عنده اي مشروع بناء ومتوهق في التصميم ما عليه الا ان يستشير اخونه من اهل الخبره هنا في المنتدى
فــ هذا المنتدى فيه الكثير من اهل ال Engineering & Construction
يقولون ربع(ن) تعاونو ماذلوا<<< فزعة للي عندهم بنيان ومتوهقين
والله يوفق الجميع
|
رد مع اقتباس
المشاركة الأصلية كتبت بواسطة عينـ السيــح
