مساء الورد والكرك
شخبارك عزيزي السهم؟
الله يعافيك وكلامك على عيني وراسي وبالعكس استانست بمداخلتك القيمة
بما ان لك خبره في البنيان !! عطني مساحات الغرف بهالفيلا ؟
شوف اخوي السهم صدقني اقل غرفة بتكون مساحتها 4.5*5 هذي المساحة اعتقد
كاااافية جدا وتعتبر مساحة متسوطة ولا تقول لا
اما الغرف الماستر ماتقل مساحتهم عن 6*5
اعتقد العدد كافي خصوصا ان الغرف شامله الدريسنج روم والحمام عزكم الله
امس كنت رايح اشوف فيلا للايجار في منطقة الخليج الغربي
ومساحة الأرض 1200 م تقريباً
تخيل انه الدور الثاني مافية الا 3 غرف نوم بس
هذا ما تسميه عدم خبره في توزيع الغرف
الواحد لما يبني بيت العمر لازم يسوي حسابه حق المستقل
واذا كان للأيجار لازم يكثر عدد الغرف لأنه المستأجر يبي لكل واحد من افراده غرفة مستقلة .... الخ
حتى الشخص اللي كان معاي قالي اي هذا التخبط في التصميم<<<< مع انه قليل خبره في البناء والأمور هذي
في فرق لما تعيش ببيت فيه مساحات واسعه وحديقه وخضره وبين بيت مافيه روح غير انك ترقد فيه , واذا قعدت بالصالة ماتشوف الا الطبيله بويهك
اعجبتني الطبيلة بويهك هههههههههههههههههههه
بس انه اقصد من الموضوع اصحاب الأراضي الكبيرة فقط
انت لما تكون عندك ارض مساحتها 900 م وفوق ويكون عدد الغرف قليل جداً
اكيد بتكون هناك ملاحظات على طريقة توزيع الغرف وهكذا
اما صاحب الأرض بو 450 م فهذا مسكين وماعنده الا الطبيلة في وجهة
غرف حماماتها مشتركه وفيما بعد وحده تنفتح عالثانية ويصيرون 4 بدال 7 , وكنك يابوزيد ماغزيت , وانت يابو 5 غرف نظام سويت وماتحتاج تكسر لأنك بديت صح واساسيات الغرف موجوده (حمام + دريسنج) وغرف الله موسع عليك فيها ..
الصراحة المفروض يكون في كل فيلا تنبني 4 غرف ماستر في الدور الثاني كأقل القليل
هذا التصميم اللي اشوفه مناسب جدا جدا
على الاقل غرفتين كبار وغرفتين مساحات متوسطة
هذا الكلام بالنسبة للدور الثاني
الله يعطيك العافيه يابوحارب , وشكرا على اهتمامك ونصايحك لاخوانك , واعتبر ردي رأي شخصي يحتمل الخطأ قبل الصواب ..