أبحث عن أفضل استشاري ، وأفضل مقاول لبناء فله العمر .. نصائحكم

[Chambray]

البحث عن شخص أمين وشركة محترمة وملتزمه صعب جداً .
لكني اطلب منكم مد يد العون لي .. وتوجيهي إلى الافضل خصوصاً الاستشاري ، والمقاول .
أهم شئ يكون المقاول امين ، وراعي ذمه .. واسعاره معقوله ..

[بوحارب]

السلام عليكم

اخوي ممكن سؤال بسيط

الفيلا على حسابك الخاص ولا على حساب الأسكان؟؟

بالنسبة للأستشاري انه ارشح لك مكتب شعاع للأستشارات الهندسية

والمقاول انطر الرد منك وعقب يصير خير

الله يوفقك ويسهل عليك ترى البنيان

ترى البنيان تعب ووناسة في نفس الوقت

[بوحارب]

http://qatarshares.com/vb/showthread.php?t=193442


هالموضوع ممكن يفيدك بالنسبة للأستشاري

[Chambray]

بوحارب ، البنيان بحساب الاسكان طبعاً .. بس هل تعتقد ان الاسكان راح يكفي هههههههههه طبعاً انا راح ازيد من مخباي .. وشكراً لك في انتظار الآراء ..

[الوفي]

انا عن نفسي ابني مع شركة بالدوحة بناهم زوين بس مب ذاك الزود......واكثر شغلهم كله اخطاء وبطيئ اما الأستشاري مع شعاع كل يوم مشاكل معه لايحسب لي البيبان ولا الدرايش ولايحظر له شهرين والله مايحظر الا مرة وبعض الصبات مايحظرها لا ومكتشف مع اهل الخبرة بلاوي بالبيت ولايشيك...الخريطة الفيلا شكل والموقع شكل ثاني.......والله طلع لي الشيب مع هالمقاول والاستشاري كله هواش....والاستشاري كل ماقلتله ليش راح عليك هذا الشي مب انت مسؤؤل قالي مب عاجبك افسخ العقد والقهر مافيه احد يكمل المشروع من المكاتب....
أخوي عند لك نصيحة بمقاول يبنيلك بدون صياح ولا دق رماح.....عندك شركة المناعي الي يم ملك الكباب الي بدوحه بالعمارة فوق اردني خبير وفهمان....هذا ثنين اعرفهم بنوا عنده... وبناه عجيب اسئل عنه وشوف وجرب وبتدعيلي.....
الاستشاري عليك بالقطري عندهم واحد مطوع مصري عليك به.....او شعاع اذا بيتك بالجنوب بس لان فيه استشاري سوداني مسؤؤل عن بيوت جنوب الدوحه مثل الوكرة...عجيب وامين ونشيط.....
غيره اعرف بس ماضمنهم لك
تحياتي لك

[قدام]

اشرايكم بشركه المعمار للمقاولات بكستاني مديرهاا اسمه بوعيسى مكانهاا جنب الحصباء للاستشارات
عماره جنب سوق الذهب
احد بعرفهاا زين ولا اطق منه ارجو الافاده عن الشركه للي يعرفهاا

[hamoor4ever]

فيه شركه شفت شغلهم اشوفه زين بس الله عالم لان احيانا بعض الاشخاص تلاقي شغلهم زين لبعض الناس وبعض الناس تلاقي شغلهم كجره ، الله يعين الجميع جان تبون بذكر اسم الشركه بس انا غير مسؤول عن النتايج

[Chambray]

الاستشاري كم ياخذ تقريباً؟؟؟؟؟؟؟

[الوفي]

الاستشاري كم ياخذ تقريباً؟؟؟؟؟؟؟

انا عن نفسي 1500 ريال شهريا والاقلب 2000 ريال

[Some-One]

اخواني الاعزاء

الي يبي شركة ممتازة وسعرها ممتاز وفلتي للحين ما خلصت
ممكن يمر ويشوف شغلهم .

والله العظيم بشهادة الاستشاري ان شغلهم ممتاز
واعلم انه يوجد ايضا غيرهم من هم فيهم الخير
لكن هذة الشركة تعاملت معها ولازلت شغال معهم .

لذلك من حب يعرف عنوان الشركة او يحب يشوف فلتي يتفضل
يراسلني على الخاص .

والله يوفق الجميع .