المشاركة الأصلية كتبت بواسطة العنان
اخوي عابر سبيل ، ياليت لو عندك ملعومات اكثر عن الدكت سبلت تعطينا اياها ، وماقصرت على هالمداخله.
تامر يا خوي العنان...عزيزين انت و بوراشد و الكل بليا حصر.
معلوماتي كلش على قدي..
اتمنى ان حد ممن هم اخبر يساعدون.
اولا الوحدات:
توجد وحدة عالسطح (تقريبا بنفس حجم
الوحدة الخارجية للسبلت يونت...على حسب
الحجم(اطنان) و الشركة...
و تقريبا كل الشركات عندها...
ترين
lg(ما انصح ابها كلش)
جنرال ...الخ الخ!
المهم وحدة لكل زون من البيت..اكان مجلس و مطعم
او غرفة غرفة...و هكذا..
(يعني للصيانة...جزء من البيت يتأثر موب كل البيت).
و لكل زون (في البيت) فيه وحدة داخلية
تكون مخفية في الغالب عند الحمام
و يتم ذلك بالجبس/السقف المستعار...
و حجمها في الغالب معقوووول يعني
اعتقد بحد اقصى تتطلب "كليرانس"
او فراغ ( ما بين السقف و الجبس) بحدود ال 50 سم ...
(و الله اعلم)
يقولون ان هالوحده فيها صوت...بالذات اللي ايحبون الهدووء..
بس انا دخلت بيت واحد من الربع..و ما حسيت بالصوت كلش..
يمكن لانه مركبها عند حمام المجلس!! بعيد شوي.
ثانيا التمديدات بين الوحدات الخارجية والداخلية
التمديدات هي مثل تمديدات السبلت يونت العادية...
بيبين غاز (النحاس) ..طبعا داخل ال"سليفات"..
وعلى قولة بو راشد...و انقز !.
ثالثا التمديدات الداخلية
دكتات تماما مثل السنترال...
و الفتحات انت تختارها حسب الجبس...
يعني هالجزء 100% هو النظام اللي يجي مع السنترال.
و هاي هو اللي يرفع سعر هالنظام عن السبلت يونت العادية..
و يعطيك طبعا توزيع للهوا احسن...
هاي اللي عندي كتعريف للنظام..
بس في له تفاصيل اكثر...
ما تحضرني و ما ابي اتكلم بشي انا
مو متيقن من قوة معرفتي به.
اتمنى ان الكلام يعطيك فكرة كافية
كمرحلة اولية...و اذا انك سألت زود
(او اي حد) فلا يبخل علينا و لا على البقية.
تحية
اها نسيت شي..
توصيلات الكهرباء للوحدات في الغالب انها
عادية...يعني 240 فولت(سنجل فيز)...
موب 3 فيز مثل السنترال..