انه رايي من راي الاخوة اللي قالوا سبليت يونيت .. خصوصا ان السنترال يزيد بالتكاليف عن باقي الانواع وحتى يزيد في سعر البناء لانظ بتظطر ترفع البيت يعني ممكن ياثر في سعر البنيان بزيادة حوالي 100-200 الف ريال. غير تكلفة الصيانة المرتفعة ..
الدكت سبليت ماقصر اخونا عابر في شرحه واعتقد انه خيار مناسب للي وده بشكل مناسب ويتلافي تكلفة الصيانة ولكنه ايضا مكلف ..
الوندوز يخرب شكل البيت من برع .. غير انه تبريده مش فعال ..
السبليت في ظني الخيار الافضل ..
وبالتوفيق.
السبيلت يونت أفضل ولكن حاول تكون الوحدة الداخلية على الجدار أقرب للجدار الخارجي ويخرج من الوحدة الداخلية فتحة تصريف الماء لأن المشكلة تحصل في تسرب الماء في الدور الأول من العمال الذين يعملون بعد تركيب تمديدات الماء فيكسرون التمديدات وتغطى وتبدأ المشاكل وأحيانا لا تستطيع الحصول على نفس نوعية السراميك أو التمديدات في الجدار وعمل دكت لها الى خارج المنزل .
Power is never given . It is taken
بصراحه اخوي "لقد سألت عن عظيم" وكثير من الناس وانا منهم محتارين في معرفة النوع الافضل
كل نوع من الانواع اللي ذكرتها له مميزات وعيوب بحاول اختصرها
1- السنترال
مميزاته:
- يعتبر الافضل من ناحيه الشكل (الاكشخ)
- تبريد عالي جدا يعطيك طراوه
- ماينقط ماي بالمقارنه مع غيره
- هدوء تام
- يعمر فترات طويله
عيوبه:
- من اغلى انواع انظمه التكييف ( ضعفين سعر السبلت يونت )
- صيانته مكلفه
- كونه نظام مرتبط ببعض فيسبب انتقال روائح الغرف لبعض (عادي تشم ريحه حمسه المطبخ فالميلس)
- في حاله الحريق (لا قدر الله) السنترال يساعد على انتقال الحريق بسرعه من غرفه لاخرى
- يساعد على انتقال الغبار بين الغرف
2- الدكت سبلت
مميزاته:
- اسعاره وسط بين السنترال والسبلت يونت
- شكله جميل وراقي
- هادئ
عيوبه:
- ينقط ماي ويعمل لك مشاكل في الطوف
- على حد علمي يعتبر توجه حديث نوعا ما (اللي مجربينه قليلين)
- بروده لك عليها شوي
- في حاله الحريق (لا قدر الله) الدكت سبلت يساعد على انتقال الحريق بسرعه من غرفه لاخرى
3- السبلت يونت
مميزاته:
- اسعاره مناسبه
- الناس تستخدمه صار لهم زمن فاصبحو خبره فيه وحل مشاكله
- بارد (على حسب حجم الغرفه وحجم المكيف)
- هادئ
- لايتسبب في انتقال الروائح او الحريق
عيوبه:
- يحتاج صيانه دوريه
- احيانا ينقط ماي (على حسب النوع)
- من ناحيه الشكل يعتبر رقم 3 بعد السنترال والدكت سبلت
4- الشباك (قديمك نديمك)
مميزاته:
- يعتبر ارخص انواع المكيفات
- لايحتاج صيانه
- لايتسبب في انتقال الروائح او الحريق
- يعمر 20 سنه وزود
عيوبه:
- يشوه منظر البيت من الخارج
- يساعد على دخول الغبار والحشرات
- مزعج (بس في ناس ماتعرف تنام الا على صوته)
عن نفسي انا كنت افكر في السنترال بس عقب ماعرفت مشاكله قررت اني اختار السبلت يونت اتمنى اني افدتك والله الموفق
Pearls do not lie on the seashore. If you desire one, you must dive for it
والله الواحد مايدري عن المكيفات الزينة السبيلت يخر ماي داخل الغرف ويخرب الطوفه
الله المستعان
الله يتمم البناء على الخير والبركهالمشاركة الأصلية كتبت بواسطة bu rashid
السبليت : شوف احسن نوع جنرال ، ، واذا ما تبغي يقطرون ماي
، ، تابعهم خلال البناء وخلهم يركبون البيبات عدل
الويندوز : أنا بعد عندي احسن شي هههههههههه
اغلب اللي في البيت سبليت
وانا اللي غرفتي ويندوز ، ، ومثل ماقلت يازين صووتهم
وبخصوص اشكالهم تقدر تركب عليهم الشبك اللي يغطي المكيفات من برع
والماي حط لهم انابيب ووصلهم لين المجاري
أختك في الله
مـراحـب
اللهم أرحم اخي الذي وافته المنيه
بتاريخ 2/10/2005م
عن عمر يناهز 19 سنة
اللهم أجعل قبره روضه من رياض الجنه فأنت الودود الكبير
اللهم يارب محمدأبدله بدار أنت المتفضل فيها خير من دار الدنيا الفانيه
آمين يارب العالمين
اخ ارتفاع اشهد انك طحت على العوق
أخواني واخواتي ... اشكركم جميعاٌ على نصائحكم القيمه
الردود كلها مفيده والبعض ظريفه ايضاٌ
الله يعطيكم الصحة والعافية
ايش رايكم يا جماعة الخير بالتالي:
جميع الملاحق تكووون سبليت
جميع الغرف تكون دكدت سبليت
الصالات والباسمنت سنترال
وداعاٌ للوندوووووز ...
اخواني..... ترى السبليت يونت......مشاكله من التركيب
مثلا فيه واحد كنسل الشبك حط سبليت تبدأ المشاكل....هو لازم من بداية السكن ويترتب عليه شروط وضوابط.........واذا في بيت مستخدم يجب مراعاة الشروط يعني فيه تكسير بالطوفه والبلاط علشان تضبط السالفة......
شروطــــــــــها وضوابطها على حسب نصائح مهندسين الشركات الي زرتها.......عند التركيب
1- أختيار نوع الطن للمكان يعني 4*4 او 5*4 وشرط يكون مكان غير عملي يعني مب شغال 24 ساعة مثل مكتب..... اومطعم...وغيرها من الاماكن الغير مستخدمة دوم....يتم اختيار 2 طن.....ويفضل الابتعاد عن1.5 طن.....
واذ مكان الصالات.....المجالس مثل مساحة 5*8 و يكون من 2 طن الى 2.5 طن او 3طن لازم يكون فيه 2 واحد شغال والثاني مساعد بالحر خاصة الظهر......لان لو واحد بتزيد درجة البرودة وبيستهلك الكمبريسور بالخارج......لكن ثنين قصب طيب بيتقصر من البرودة الجامدة وهنا يكون الكمريسر ضغطه معتدل....
2-وضع بايب قطره 3 انش المنيمم وداخل الطوفة لسلامة وتبريد البيبات....والحجم لحرية تمديد البيبات من الكمريسر الخارجي للداخلي وحرية التحكم فيه للصيانه.....
3- استخدام بيب بلاستيكي قطر انش او ثلاتربع((3/4)) الانش ويكون سقوطه راسي لسهولة مرور الماء المقطر بسرعة.....
4- يجب ان يكون بيب الماء المقطر النازل للاسفل بالارض ((عند الكسرة)) بزاوية 45 وليس بزاوية 90 لان الزاوية الحادة ممكن تنسد بالرمل ويرجع الماء المقطر للاعلى....بس 45 يزلق الماي مع الرمل مثل الزحليقة......
5- ميول جهاز التبريد السبليت يونت للاسفل من ناحية مخرج بيب الماي للتقطير....
6- عزل كل بيب ماء التقطير لحالة.....ويوصل للمنهولات سواء بالوعة الحمام او الخارج للحدائق....لان بعض التركيب ينزلون البيبات من المكيف ويجمعونهم في بيب واحد ويروح للمنهولات.....حنا ينسد من كثر الاتربه
7-يفضل تبديل الارضيات من الموكيت لانواع البلاط من رخام وسراميكات وغيرها......لان الموكيت يجمع غبار والمكيف يشفطة......
8- اختيار المكان المناسب لتمرير البيب 3 انش للاعلى فوق السطح
(( ملاحظة: أفضل أنواع السبلت يونت......2 طن ومافوق ولازم يكون فيه بديل للاماكن الكبيرة ماعدا غرف النوم))
ظوابط عملها وصيانتها:
1-تنظيف الفلاتر ((الشبك)) الي داخل المكيف بنفض الغبار منه
2- تخفيف الضغط على المكيفات وتشغيل البديل
3- الصيانة الدورية السنوية....يفضل بالشتاء لخفة الضغط ورخص الصيانة.....وتكون جاهزة لحرب الصيف
(((أتمنى تعم الفائدة للجميع)))
تحياتي
التعديل الأخير تم بواسطة الوفي ; 26-07-2009 الساعة 07:35 PM
لو تكرمت بغيت اعرفل Gree كم قوته وبكم خذته وشكثر صار له عندك...وعندك فكره عن نسبة الخصم لو الواحد بياخذ مثلا 18 الى 20 مكيف...
التعديل الأخير تم بواسطة r07 ; 27-07-2009 الساعة 02:40 PM سبب آخر: اضافة كلمه
اخواني..... ترى السبليت يونت......مشاكله من التركيب
4- يجب ان يكون بيب الماء المقطر النازل للاسفل بالارض ((عند الكسرة)) بزاوية 45 وليس بزاوية 90 لان الزاوية الحادة ممكن تنسد بالرمل ويرجع الماء المقطر للاعلى....بس 45 يزلق الماي مع الرمل مثل الزحليقة......
5- ميول جهاز التبريد السبليت يونت للاسفل من ناحية مخرج بيب الماي للتقطير....
6- عزل كل بيب ماء التقطير لحالة.....ويوصل للمنهولات سواء بالوعة الحمام او الخارج للحدائق....لان بعض التركيب ينزلون البيبات من المكيف ويجمعونهم في بيب واحد ويروح للمنهولات.....حنا ينسد من كثر الاتربه
7
(((أتمنى تعم الفائدة للجميع)))
تحياتيالوفي...بارك الله بك...
حقيقية معلومات "فنية" دقيقة....
تسلم يد كاتبها...
بس و لا عليك امر...
ممكن تشرح لنا اكثر هالنقاط الثلالث بشكل مفصل..
و لو ما نكلف عليك اذا فيه بالذات لمسألة ال 45 درجه
سكتش او رسمه..
يعني ما فهمت اشلون ممكن انسويها...
ممكن انوفر الكوع بو 45 درجه...
بس اشلون انحطه في الطوفه..
موب متخيل الصوره..لانه لازم في الاخير
البيب يسقط عمودي للاسفل..او بـ90 درجه!.
اتمنى ان احصل على الاجابه اذا ما فيها كلافه.
*
*
،،
عَنْ أَنَسٍ ، أَنَّ نَبِيَّ اللَّهِ صَلَّى اللَّهُ عَلَيْهِ وَسَلَّمَ قَالَ :
" لَا عَدْوَى ، وَلَا طِيَرَةَ ، وَيُعْجِبُنِي الْفَأْلُ ،الْكَلِمَةُ الْحَسَنَةُ، الْكَلِمَةُ الطَّيِّبَةُ "
ضوابط المشاركة
رد مع اقتباس
