الجمارك عندهم لازم تفصخ الكمامات او النقاب عشان يصورنكم
المهم خلصنا الجمارك واستلمنا شناط ورحنا ندور تاكسي يوصلنا بتايا وكانت الساع 9:30
رحنا مع شركات التكاسي الي برا المطار ركبنا كامري اسود وصلنا ب1800بات ، وكان الخط يروع مطر وليل ساعتين بالخط ولما وصلنا بتايا لاعت كبدنا من البارات لانه وصلنها بالليل و كان تخطيطنا لها قبل العصر
وصلنا فندقنا طبعا... وفندقنا شمال بتايا بعيد عن كل البارات والضجه مكان هادي وعلى البحر المهم لما وصلنا قال لنا التكسي يبغي بخشيش نبي نعطيه 100بات عطيناه 100رجنت بالغلط وهو مايستاهل
وصلنا الفندق استقبلونا بمشروب مدري اذا ميرندا فروله او شي ثاني المهم ماذقناه وقلنا له ثنكيوا قالت بما انكم هني مون بنرقي لكم الغرفه الى سويت استانسنا
أيزاوان ريزورت آند سبا
AISAWAN RESORT & SPA
* * * * أربع نجوم
بتايا
تكاليف الفندق
هذا كرت الفندق مع رقمه طبعته وخليته عشان التاكسي
الخريطه
المدخل
سيارة لتنقل النزلاء من الفلل الى مكان الفطور
صورة الفندق من الخارج
اللوبي
الغرف التصوير بالليل
التلفزيون مافي الا قناة السعودية هي الوحيدة عربية
هذي الصور اول ماقمنا الصبح أطلالة الغرفة على اطلالتين الاولى على هالمنظر الي فيه البلكونه
هذي البلكونه
البلكونة تشوف البحر من بعيد وهذي الفلل قدامنا
هذي الاطلاله الثانية على مدخل الفندق
هذا باب الفندق تتطلع منه تروح للبركه والبحر والمطعم
هذا المطعم
بركة السباحة
شاطي البحر
هذي صورة للبنات الى في الرسبشن هالثنتين حدهم خدومات وطيبيات
هذا الي شال الاشناط
هذي حق الحجوزات تحجز التاكسي والرحلات عندها مكتب داخل الفندق
هذي صوره صورتها من كتلوج الفندق
السعر : 280 لليوم الواحد مع الفطور من المتحده للسفريات
الرأي العام للفندق : الفندق نظيف وهادي والخدمة عندهم ممتازة بعيد عن منطقة تجمع العرب
عيوبه : الممرات ريحة الموكيت يبغي لها تغير بس حنا بخرنا المكان
أول يوم ماطلعنا وماتفطرنا لانه شاكين بالاكل تمينا على شاي كرك وبسكوت وماي وكافي الساع 8 بالليل طلبنا عشا من مطعم ابوساره المصري عربي واكله حلال
رقمة وعنوانه