لمن أرد التشطيب أوالتأثيث من الصين .... اقلط

[شرارة قطر]

يعطيك العافيه اخوي ومشكور على هالموضوع رااااااااااائع

1- ممكن اتقول لنا المكتب الي تعاملت معاه
2- تقريبا كم كلفك الارضيات ...الحمامات ..اطقم الحمامات ...الاثاث ...الاضاءة ثريات .اكسسوارات

[RAHA]

أشكرك أخوي على هذا الموضوع و اريد أن استفسر عن بعض الأسئلة:
1- بالنسبة للشراء وين أروح المصانع أو المحلات أو المعرض و وين أماكنهم؟
2- أنا أعرف ناس أنصب عليهم من مكاتب التخليص و المترجمين و ين نحصل مكتب جيد؟
3- و أعرف ناس جاهم الأثاث ناقص أو مكسور شلون نتحاشى هذا الموضوع؟
4- كم يوم تحتاج انك تخلص مواضيع الشراء و متى الوقت المناسب؟
5- هل تسوى إني اسافر بروحي للصين بدون أي خبره؟

[eXpert*]

أشكرك أخوي على هذا الموضوع و اريد أن استفسر عن بعض الأسئلة:
1- بالنسبة للشراء وين أروح المصانع أو المحلات أو المعرض و وين أماكنهم؟
في الصين نفس السوق الصيني في دبي ،، اسواق بس متخصصه بالسيرامييك ، اسواق بس حق الاثاث ألخ .2- أنا أعرف ناس أنصب عليهم من مكاتب التخليص و المترجمين و ين نحصل مكتب جيد؟
في مكاتب مترجمين مرخصين و معترف بهم من الدولتين قطر و الصين .
3- و أعرف ناس جاهم الأثاث ناقص أو مكسور شلون نتحاشى هذا الموضوع؟
يعتمد على شركة الشحن ، لازم في اشيا تنقص وتنكسر لكن بشكل طفيف. في شركات تأمين على قيمة البضاعة و أي شي يصير تعوضك . ويعتمد اذا الشركة رخيصة أم لا .
5- هل تسوى إني اسافر بروحي للصين بدون أي خبره؟
روح وشوف البلاد ، مب شرط تشتري بس خذ فكرة واشتر بكره

يسمح لي صاحب الموضوع برد علي حسب خبرتي !

[اسيرالدوحه]

اخوي نفترض حولت المبلغ للمكتب في الصين وقالك صاحب المكتب بعدين مالك حق وهذا المبلغ انت محوله برضاك لي شبتوي امام هذي الخيانه ؟

اهلين اخوي ....

معاك حق في كلامك ...

ولك حق تسأل هالسؤال ....

انا نفسك كان عندي هالتساؤل ... وفي نفس الوقت .. المكتب كان عنده نفس التساؤل ...

على اي اساس يقولي المكتب مالي حق ؟؟؟

في اوراق رسمية بيني وبين المكتب ...

كشف بكل شي شريته ... موقع من مدير المكتب ومني انا ...

وعليه ختم المكتب ...

وبعدين شنو مصلحة المكتب انه ياخذ فلوسي ... ؟؟

هو يتعامل مع تجار ... من كل دول الخليج ... وطلبياتهم فالسنة... تصل الى ملايين الدولارات ...

وش يبي في فلوسي ...

بعدين فرضا .. انه سوى شذي ....

اودي اوراقي اللي عندي السفارة ... خصوصا انه مكتب رسمي ومسجل هناك فالصين ...

وراح اخذ حقي منه بالكامل ...

يعطيك العافية ...

[اسيرالدوحه]

أشكرك أخوي على هذا الموضوع و اريد أن استفسر عن بعض الأسئلة:
1- بالنسبة للشراء وين أروح المصانع أو المحلات أو المعرض و وين أماكنهم؟
2- أنا أعرف ناس أنصب عليهم من مكاتب التخليص و المترجمين و ين نحصل مكتب جيد؟
3- و أعرف ناس جاهم الأثاث نقاص أو مكسور شلون نتحاشى هذا الموضوع؟
4- كم يوم تحتاج انك تخلص مواضيع الشراء و متى الوقت المناسب؟
5- هل تسوى إني اسافر بروحي للصين بدون أي خبره؟

العفو اخوي ....

وصراحة اخوي اكسبيرت رد عليك وماقصر ...

لكني لا اتفق معاه بخصوص السوق الصيني في دبي ... لانه هناك بضاعتهم رديئة ... وغالية ...

لكن مايمنع انك تروووح هناك ... تتفرج وتاخذ لك فكره اوليه ...

اهم شي فالموضوع ... هو انك تختار مكتب جيد محترم ,,, ومعروووف ....

كم يوم تحتاج ... ؟؟؟؟
من يوم السفر الى يوم وصول بضاعتك ... تحتاج تقريبا الى شهرين ونص ...

وبعدين شقصدك بدون اي خبرة ؟؟؟

اذا قصدك خبرة بالصين ... انا اقولك لا تحاتي اخوي .... الامور تمشي بسهولة ...
اما اذا تقصد خبرة فالتشطيب ... فهني اقولك ... لاتسافر ...
لانك ممكن انك تشتري اشياء .. جودتها مب ذاك الزود ... وعقب تتوهق ...

لازم تعرف شنو تبي .... وتعرف الانواع ...
او على الاقل ... يكون عندك فكره عن التشطيب ...


يعطيك العافية اخوي ...

[اسيرالدوحه]

يعطيك العافيه اخوي ومشكور على هالموضوع رااااااااااائع

1- ممكن اتقول لنا المكتب الي تعاملت معاه
2- تقريبا كم كلفك الارضيات ...الحمامات ..اطقم الحمامات ...الاثاث ...الاضاءة ثريات .اكسسوارات

الله يعافيك ويسلمك يا رب ....

المكتب اسمه ...
PT Leader Inernusa Int

يعطيك العافية اخوي ...

[اسيرالدوحه]

يسمح لي صاحب الموضوع برد علي حسب خبرتي !

مسموح اخوي ....

وماقصرت ...

ويعطيك العافية ....

[جنوب الدوحه]

السلام عليكم ...


اخوي اهم سؤال هو طريقه الشحن .. والجمرك .. وعن طريق الجو او البحر ..؟؟

وهل هناك تاميين على الاغراض المشحونه ولك جزيل الشكر ؟

[اسيرالدوحه]

السلام عليكم ...


اخوي اهم سؤال هو طريقه الشحن .. والجمرك .. وعن طريق الجو او البحر ..؟؟

وهل هناك تاميين على الاغراض المشحونه ولك جزيل الشكر ؟

وعليكم السلام ...

طريقة الشحن يالعادة تكون عن طريق البحر ,...

مرات لو كانت بضاعتك قليلة ... ومافيها وزن ...

تقدر تشحنها بالجو ...

وبالنسبة للجمارك ... تعطي الموضوع الى مكتب تخليص جمركي ...

وهو راح يتكفل بكل شي ...

وطبعا .. اكيد في تأمين على بضاعتك لو حبيت ...

لازم تنسق مع المكتب .... وتطلب منه التأمين ...

يعطيك العافية ...

[أم وضحى]

السلام عليكم


لو سمحت اخوي ابي استفسر بخصوص الاثاث والاضاءات والكماليات

بيتي عباره عن 6 غرف نوم ومجلس و4 صالات .. للحين ماخلص .. بس قريب ان شاء الله ..
- هل يحمل اني اسافر لتاثيثه من الصين بقصد التوفير ؟
- بمعنى ماراح يطلع علي سعر الشحن غالي والجمارك هني بالدوحه ؟
- كم السعر المتوسط لغرفة نوم او طقم كنب من النوع الزين ..مقارنة باسعار الاثاث والثريات والكماليات بالدوحه .. ؟

ويعطيك العافيه